Chituwa 6:12 - Tonga Bible 1986

¹² Kweni Mosese wanguti ku Ambuya, “Awonani, ŵaYisraele kuti ŵatinditegherezga cha, na Farao wanditegherezgenge uli, ine nde munthu wa milomo yambura kuchinjika?”

Chituwa 6:12 Referans Kwoze

Chituwa 4:10

Kweni Mosese wanguti ku Ambuya, “Owe Ambuya, ine kuti nde salala cha pakukamba kwamba kale; pamwenga po mwambiya kukamba kwaku ine, muŵanda winu; kweni kukamba chizitu-zitu ndi lilime nalo ndizitu.”

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Chituwa 6:30

Kweni Mosese wanguti ku Ambuya, “Awonani, nde wa milomo yambura kuchinjika, na wamkunditegherezga uli Farao?”

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaLevi 26:41

viyo kuti nane so ndingwenda kwakupambana nawo, ndi kuŵatole mu charu cha ŵamawongo ŵawo, asani mtima wawo wambura kuchinjika ukajiyuyuwanga ndi kuchita umampha mu malo gha uheni wawo;

Chituwa 6:9

Mosese wangukamba kwakukozgana ku ŵaYisraele, kweni kuti ŵangutegherezga kwaku Mosese cha, chifukwa cha mtima wawo wakusweka ndi uŵanda wawo wakuŵaŵa.

Chituwa 3:13

Sono Mosese wanguti kwaku Chiuta, “Asani ndaruta ku ŵaYisraele ndikuŵanene kuti, ‘Chiuta wa auskemwe wandituma ine kwaku imwe,’ ndipo ŵachindifumba kuti, ‘Zina lake njani?’ Ndamukuti uli kwaku wo?”

Yeremiya 9:26

Egipiti, Yuda, Edomu, ŵana ŵaku Amoni, Moabu, ndi wose ŵakuja mu bozwa, ŵeniwo ŵameta makwenthu sisi lawo; pakuti mitundu yose iyi njambura kuchinjika, ndipo nyumba yose yaku Yisraele njambura kuchinjika mu mtima.”

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Marangu 30:6

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

Chituwa 3:11

Kweni Mosese wanguti kwaku Chiuta, “Ndine yani ine kuti ndingaya kwaku Farao ndi kuŵatuzga ŵana ŵaku Yisraele mu charu cha Egipiti?”

Chituwa 4:1

Sono Mosese wangwamuka, “Kweni ehe, kuti ŵamuvwana nane cha chingana nkhunditegherezga, pakuti ŵamunena kuti, ‘Ambuya kuti angukuwoneke cha.’ ”

Chituwa 6:13

Kweni Ambuya angukamba ndi Mosese ndi Aroni, ndi anguŵapaska langulu ku ŵaYisraele ndi kwaku Farao karonga wa Egipiti kuŵatuzga ŵaYisraele mu charu cha Egipiti.