Chituwa 6:1 - Tonga Bible 1986

¹ Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

Chituwa 6:1 Referans Kwoze

Chituwa 12:33

Ndipo ŵaEgipiti ŵangukankhamika ndi ŵanthu yaŵa kuŵatuzga mu charu mwaruŵiruŵi, pakuti ŵanguti, “Ifwe tose te ŵanthu ŵakufwa.”

Sumu 136:12

ndi janja lake lanthazi ndi mkono wakutambaruka, chifukwa nchamuyaya chifundu chake;

Chituwa 12:39

Ndipo ŵangocha chiŵande chambura mtupu cha muvuŵa weniwo ŵangutuwa nawo mu Egipiti pakuti wengavi kutupiskika, chifukwa ŵangudikiskika mu Egipiti ndipo ŵangutondeka kutandala, ndipo ŵengavi so kujilongosore kurgha.

Chituwa 12:31

Ndipo wangudana Mosese ndi Aroni ndi usiku, ndi wanguti, “Sokani, tuwanimo mu ŵanthu ŵangu, pamoza imwe ndi ŵaYisraele. Rutaninge, katataliyeni Ambuya, uli ndimo mukunene.

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Chituwa 11:1

Ambuya anguti kwaku Mosese, “Kwaja childeru chimoza cho ndikatoliyanga paku Farao ndi pa Egipiti; pavuli paku cho wakakuzomerezganinga kutuwamo muno; wachikuzomerezgani kuruta wakakudikiyaninga limu.

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Sumu 89:13

Ndimwe wa nthazi zikuru! Ngakuru mbwenu mazaza ghinu!

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

2 ŴaKaronga 7:19

Ndipo nduna yiya yingwamuka munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Ndipo iyo wanguti, “Ukachiwonanga ndi maso ghako kweni kuti ukarghangapo cha.”

2 ŴaKaronga 7:2

Sono nduna yira, yo karonga waŵakangapo mtima wake yingunena ndi munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Iyo wanguti, “Iwe ukachiwonanga ndi maso ghako, kweni kuti ukarghangapo cha.”

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Machitidu gha Ŵakutumika 13:17

Chiuta wa khamu lenili Yisraele, wangusankha auskefwe, ndi wangulitumphuska khamu lo mu chitandara cho chamu Egipiti, ndipo ndi janja lakutumphulika wanguŵatuzga mwenimo.

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.

Chituwa 7:5

Ndipo ŵaEgipiti ŵakaziŵanga kuti ndine Ambuya, ndichirongo nthazi zangu pa Egipiti ndi kutuzga ŵanthu ŵangu ŵaYisraele mukati mwawo.”

Chituwa 15:6

Janja linu lakurghiya, Ambuya mwe, lakutumbwa mu nthazi, janja linu lakurghiya liphwanya ŵamawongo, Ambuya mwe.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Chituwa 13:16

Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

Maŵerengedu 11:23

Ndipo Ambuya anguti kwaku Mosese, “Kumbi janja la Ambuya ndakufupiskika? Ukawonanga sono vinu mazu ghangu ghakakufiskikiyanga pamwenga awa.”

Sumu 12:6

Mapanganu ghaku Chiuta ndi mapanganu ghakutowa, siliva wakwengeka mu ng'anjo pa charu, kwengeka kankhonde ndi kaŵi.