Chituwa 5:4 - Tonga Bible 1986

⁴ Kweni karonga wa Egipiti wanguti kwaku wo, “Mosese ndi Aroni, chifukwa chine mutiŵatuzgako ŵanthu ku nchitu yawo? Kaninga ku nchitu yinu.”

Chituwa 5:4 Referans Kwoze

Chituwa 1:11

Viyo angumika nduna za ŵanchitu paku wo, ŵakuŵasuzga ndi mphingu zizitu. Ndipo ŵangumuzenge Farao mizi ya nyumba za mbiku, Pitomo ndi Ramsese.

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Amosi 7:10

Penipo Amaziya mzukuru mura waku Betele wangutuma kwaku Yeroboamu, karonga waku Yisraele; kuti, “Amosi watukuŵemba mukati mu nyumba yaku Yisraele; charu kuti chingaziŵa kuronde mazu ghake ghose cha.

Yeremiya 38:4

Sono ŵaraŵara ŵanguti ku karonga, “Uyu munthu wabayki, pakuti wagongoweska manja gha ŵankhondo ŵeniwo ŵakujamo mu msumba uwu, ndi manja gha ŵanthu wose, pakurongoro mazu viyo kwaku wo. Pakuti uyu munthu kuti wapenja umoyo wamampha paku yaŵa ŵanthu cha, kweni kupwetekeka ndiko.”

Chituwa 2:11

Zuŵa limoza penipo Mosese wangukuwa, wanguruta ku ŵa mtundu wake ndi wanguwona kusuzgika kwawo; ndipo wanguwona MuEgipiti wachipuma muHebere, yumoza wa ŵamtundu wake.

Chituwa 6:5

Ndipo so ndavwa kutamantha kwa ŵana ŵaku Yisraele wo ŵaEgipiti ŵaŵasuzga mu uŵanda, ndipo ndakumbuka phanganu langu.