Chituwa 5:22 - Tonga Bible 1986

²² Sono Mosese wangung'anamukiya ku Ambuya, ndi wanguti, “Ambuya, chifukwa chine mwaŵachitiya chiheni yaŵa ŵanthu? Na mungunditumiyanji ine?

Chituwa 5:22 Referans Kwoze

Yeremiya 20:7

Ambuya mwe, mwandipusika, ndipo ndingupusikika; mwe ŵakulimba kwakuruska ine, ndipo imwe mwapunda. Ine ndaŵa chakusekeka, zuŵa lose weyose watindiwera.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Sumu 73:25

Kumbi nde ndi yani kuchanya kweni imwe pe? Ndipo po ndendi imwe, kwe yani so munyake mu charu chapasi?

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

1 ŴaKaronga 19:4

Kweni iyo wangwenda lwendo la zuŵa limoza mu bozwa, wanguza ndi wanguja pasi musina mu kamuti ka mweyo; ndipo wangupempha kuti mphanyi wangufwa, wakuti “Mbwenu kwafiskika sono, Ambuya mwe, toni umoyo wangu; pakuti kuti nde wamamphaku cha kuruska ŵada.”

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.

Maŵerengedu 11:11

Sono Mosese wangunena ndi Ambuya, “Nchifukwa uli mwamusuzga muŵanda winu? Ndarekiyanji kusaniya wezi mu maso ghinu, kuti mwayilika katundu wa ŵanthu wose yaŵa paku ine?

Chituwa 17:4

Viyo Mosese wangubongole ku Ambuya, “Ndichitenje nawo ŵanthu yaŵa? Mbakulongosoreka kundidina ndi mya.”

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 4:10

Sono ine ndinguti, “Ambuya Chiuta, kwakuneneska mwaŵapusika limu ŵanthu yaŵa ndi Yerusalemu, pakukamba kuti, ‘Kukamuŵiyaninga umampha’; penipo lipanga lafika pa umoyo wawo iwo.”

Yoswa 7:7

Ndipo Yoswa wanguti, “Owe, Ambuya Chiuta, na chifukwa nchine mwambuska ŵanthu yaŵa pa Yordane, kuzachitipereka mu manja gha ŵa Amori, kutimara? Kwenga kwamampha tatinge tikhorwenge kuja kusirgha ku Yordane!