Chituwa 5:21 - Tonga Bible 1986

²¹ ndipo ŵanguti kwaku wo, “Ambuya alereskepo paku imwe ndi ŵeruzgi, chifukwa mwatiguŵiska mu maso ghaku Farao ndi ŵateŵeti ŵake; ndipo mwaŵika lipanga mu janja lawo kutibaya.”

Chituwa 5:21 Referans Kwoze

Chiyambo 34:30

Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

1 Mikoka 19:6

Penipo ŵaAmoni ŵanguteska kuti ŵajitinkhiska kwaku Davidi, Hanuni ndi ŵaAmoni ŵangutuma ndrama za siliva chikwi chimoza (1,000) ku Mesopotamia, Aramayaka, ndi ku Zoba,

2 Samuele 10:6

Ŵanguti ŵawona ŵaAmoni kuti ŵamusosomo Davidi, wangutuma kwachiŵarembe mwa mphoto ŵaSiriya ŵaku Betehobo, ndi ŵaSiriya ŵaku Zoba, ŵankhondo ŵakwenda pasi machumi ghaŵi (20,000) ndi karonga waku Maka pamoza ndi ŵanthu chikwi chimoza (1,000) ndi ŵanthu ŵaku Tobo, vikwi chumi ndi viŵi (12,000).

1 Samuele 27:12

Ndipo Akishi wangumugomezga Davidi, kughanaghana kuti, “Wachita chifukwa waŵa wakutinkhika ukongwa ndi ŵanthu ŵaku Yisraele; pa chifukwa ichi wakaŵanga mteŵeti wangu muyaya.”

1 Samuele 13:4

ŴaYisraele wose ŵanguvwa kuti Sauli wapunda linga la ŵaFilisti ndikuti ŵaYisraele ŵatinkhika ku ŵaFilisti. Ndipo ŵanthu ŵangudanika kuti ŵakumane ndi Sauli ku Gilgala.

Chituwa 6:9

Mosese wangukamba kwakukozgana ku ŵaYisraele, kweni kuti ŵangutegherezga kwaku Mosese cha, chifukwa cha mtima wawo wakusweka ndi uŵanda wawo wakuŵaŵa.

Chiyambo 16:5

Ndipo Sarai wanguti kwaku Abramu, “Ubudi weniwo wachitikiya paku ine uŵe paku! Ndingukupaska muŵanda munthukazi wangu mu chifukwa chako, kweni wanguti wawona kuti wazuwuka, wangundilereska ndi myuyu. Ambuya ŵeruzge pakati paku iwe ndi ine!”

Yoele 2:20

“Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

Wakutaula 10:1

Nyezi zakufwa zipaska mafuta gha wakwenga lifungu liheni; viyo ndimo uzereza umanavi upepuliya vinjeru ndi ulemu.

Chituwa 14:11

ndipo ŵanguti kwaku Mosese, “Kumbi nchifukwa chakuti mulivi miunda mu Egipiti, po watituzgamo kuzachifwiya mu bozwa? Nchine cho wachita kwaku ifwe, pakutituzga mu Egipiti?

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Chiyambo 31:53

Chiuta waku Abrahamu ndi Chiuta waku Nahoro, Chiuta wa auskeu, weruzge pakati pidu.” Viyo Yakobe wangurapiya pa Chopu cha wiske Yisaki,

Chituwa 5:20

Ŵangukumana ndi Mosese ndi Aroni, ŵeniwo ŵaŵalindizganga ŵanguti ŵatuwa kwaku Farao;

Chituwa 15:24

Ndipo ŵanthu ŵangudinginikiya Mosese, ŵanguti, “Tikamwanganji?”

Chituwa 16:2

Ndipo mpingu wose wa ŵaYisraele ungudinginikiya Mosese ndi Aroni mu bozwa,

Maŵerengedu 14:3

Chifukwa nchine Ambuya atitore ku charu chinu, kuti tifwe ndi lipanga? Ŵawoli ŵidu ndi ŵana ŵidu ŵaŵenge ŵakuskoŵeka; Asi nkhwamampha kwaku ifwe kuti tiwerenge ku Egipiti?”

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.