Chituwa 4:23 - Tonga Bible 1986

²³ ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”

Chituwa 4:23 Referans Kwoze

Chituwa 12:29

Ndi usiku pakati Ambuya angukoso ŵaumwali wose mu charu cha Egipiti, kwamba ku waumwali waku Farao yo wajanga pa chitengo chake cha ufumu, kwachifika ku waumwali wa wakukoreka yo wenga mu zenje la ukayidi, ndi ŵaumwali wose ŵa ng'ombe.

Chituwa 11:5

ndipo ŵana ŵaumwali wose mu charu cha Egipiti ŵakafwanga, kwamba ku ŵaumwali ŵaku Farao mweniyo pa chitengo chake cha ufumo mpaka kwachifika ku ŵaumwali ŵa muŵanda munthukazi, mweniyo we kuvuli kwa mphe, ndi chaumwali chose cha ng'ombe.

Sumu 135:8

Mu Egipiti angubaya ŵa umwali wose, wose ŵa ŵanthu ndi ŵa nyama.

Sumu 105:36

Angubaya wose ŵana ŵa umwali mu mbumba zose mu Egipiti.

Sumu 78:51

Wangubaya ŵana ŵaumwali mu Egipiti, ŵakudanga ŵa nthazi zawo mu mahema ghaku Hamu.

Chituwa 7:16

Ndipo ukanene kwaku iyo, ‘Ambuya, Chiuta wa ŵaHebere, wandituma kwako, watiti, “Ŵareke ŵarutenge ŵanthu ŵangu, alinga, ŵakanditaliyenge mu bozwa, ndipo ehe, iwe ulivi kuŵavwiya.”

Chituwa 5:1

Pavuli Mosese ndi Aroni ŵanguruta kwaku Farao, ndi ŵanguti, “Atiti viyo Ambuya, Chiuta waku Yisraele, ‘Zomerezga ŵanthu ŵangu kuti ŵarute alinga ŵandichitiye dghera mu bozwa.’ ”

Chituwa 6:11

“Ruta, kasere, ukamunene Farao karonga wa Egipiti wakatuzge ŵaYisraele mu charu chake.”

Chituwa 8:1

Sono Ambuya anguti kwaku Mosese, “Kasere kwaku Farao ndipo ukati kwaku iyo, ‘Viyo Ambuya atiti, “Ŵazomerezge ŵanthu ŵangu ŵarutenge kuti ŵakanditataliye.

Chituwa 8:20

Sono Ambuya anguti kwaku Mosese, “Uyake ndi mlenjilenji ukamulindizge Farao wachiya ku maji, ndipo ukati kwaku iyo, ‘Ambuya atiti, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 9:1

Sono Ambuya anguti kwaku Mosese, “Ruta kasere kwaku Farao ndipo ukanene viyo kwaku iyo, ‘Viyo ndimo Ambuya akambiya, “Ŵazomerezge ŵanthu ŵarutenge alinga ŵakanditataliyenge.

Chituwa 9:13

Sono Ambuya anguti kwaku Mosese, “Soka ndi mlenjilenji ndi ukame paurongo paku Farao ndipo ukati kwaku iyo, ‘Viyo atiti Ambuya, Chiuta wa ŵaHebere, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Chituwa 18:8

Sono Mosese wangukonkhome msibweni wake vyose vyenivyo Ambuya anguchita kwaku Farao ndi ku ŵaEgipiti chifukwa chaku Yisraele, maunonono ghose gho ghanguŵawiya mu nthowa, ndimo Ambuya anguŵaposomoske.

Sumu 136:10

Wangubaya ŵana ŵa umwali ŵa ŵaEgipiti, chifukwa nchamuyaya chifundu chake.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

Chituwa 8:16

Sono Ambuya anguti kwaku Mosese, “Kamba kwaku Aroni, ‘Tambaruwa ndodo yako ndi upumi fuvu la charu chapasi kuti lisanduke viphanga mu charu chose cha Egipiti.’ ”

Chituwa 8:17

Ndipo wanguchitadi viyo; Aroni wangutambaruwa janja lake ndi ndodo yake ndi wangupuma fuvu la charu chapasi, ndipo kunguŵa viphajiga pa munthu ndi pa chinyama.

Chituwa 9:2

Pakuti asani ukanenge kuŵazomerezga kuti ŵarutenge ndipo utiŵako mbwenu,

Chituwa 10:4

Pakuti asani ukana kuŵazomerezga kuruta ŵanthu ŵangu, awona, lamawa ndikazanga ndi ŵazombe mu charu chako,

Chituwa 13:15

Pakuti penipo Farao wangukana ndi unonono kutizomerezga kuruta, Ambuya angubaya ŵaumwali wose mu charu cha Egipiti wose ŵaumwali ŵa munthu ndi ŵaumwali ŵa ng'ombe. Chifukwa cho ndipereka ku Ambuya ŵaumwali wose wo ŵajura chibali; kweni ŵaumwali wose ŵa ŵana ŵanthurumi ndiwombo.’