Chituwa 4:21 - Tonga Bible 1986

²¹ Ndipo Ambuya anguti kwaku Mosese, “Utakuti wawere ku Egipiti ukawone kuti wachita vya minthondwi vyose paurongo paku Farao vyenivyo ndaŵeka mu nthazi yako; kweni ndamunonopeska mtima wake, viyo wamuzomerezga cha kuti ŵaYisraele ŵakarutenge.

Chituwa 4:21 Referans Kwoze

ŴaRoma 9:18

Viyo na, mweniyo wakhumba wamchitiya lisungu, ndipo mweniyo wakhumba wangangamiska.

Yesaya 63:17

Ambuya mwe, chifukwa chine mutitichitiska kusovya ku nthowa yinu, ndi kunonopeska mitima yidu, kuti tireke kumopani imwe? Weni chifukwa cha ŵaŵanda ŵinu, mafuku ghakumwaŵeni.

Yoswa 11:20

Pakuti yenga nchitu ya Ambuya kunonopeska mitima yawo kuti ŵazichirwanga ndi ŵaYisraele mu nkhondo, mwakuti ŵaparghanikiye limu tetete, kuti ŵaronde lisungu cha kweni kuti ŵadumulikiye limu, nge ndimo Ambuya angulanguliya Mosese.

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

Chituwa 14:8

Ndipo Ambuya angunonopeska mtima waku Farao karonga wa Egipiti ndipo wangundondoloska ŵaYisraele ŵachiruta ndi kugiya.

Chituwa 9:35

Viyo mtima waku Faro ungononopa, ndipo kuti wanguzomerezga ŵaYisraele kuruta cha; uli ndimo Ambuya angukambiya kwaku Mosese.

Chituwa 9:12

Kweni Ambuya angunonopeska mtima waku Farao ndipo kuti wanguŵategherezga cha, uli ndimo Ambuya angukambiya kwaku Mosese.

Chituwa 7:13

Ungunonopa mbwenu mtima waku Farao; ndipo kuti wangukhumba kuvwiya cha, uli ndimo Ambuya angukambiya.

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Chituwa 10:20

Kweni Ambuya angunonopeska mtima waku Farao, ndipo kuti wanguzomerezga ŵana ŵaku Yisraele kuruta cha.

Chituwa 7:3

Kweni ndamunonopeska mtima waku Farao ndipo chingana ndamukwandaniska visimikizgu vyangu ndi vyakuziziswa mu charu cha Egipiti,

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

1 Petro 2:8

ndi, “Mwa wachiguŵisku, ndi jarawe la livwizu; Pakuti ŵaguŵa penipo, pakutafula pa mazu gho”; kwaku chenicho nacho ŵangutemeke.

2 ŴaKorinte 2:16

kwaku yaŵa fungu la nyifwa ku nyifwa; ku ŵanyake wo fungu la umoyo ku umoyo. Ndipo wakukwaniya vyenivyo njani?

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Sumu 105:25

Anguchitiska ŵaEgipiti ŵatinkhenge ŵanthu ŵawo, ndi kuchitiya ukazuzi ŵateŵeti ŵawo.

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

Marangu 2:36

Kuturiya ku Aroere mu mphepete mu chidika cha Arnoni ndi kutuwa ku muzi wo wenga mu chidika mpaka ku Gileada, pengavi msumba umoza wo ungutitonda, Ambuya Chiuta widu wangupereka yose kwaku ifwe.

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

Chituwa 8:32

Kweni Farao wangunonopeska mtima wake nyengo iyi nayo so, ndipo kuti wanguŵazomerezga cha ŵanthu kuruta.

Chituwa 10:1

Sono Ambuya anguti kwaku Mosese, “Ruta, ukawere kwaku Farao; pakuti ndanonopeska mtima wake ndi mtima wa ŵaŵanda ŵake, alinga kuti ndirongo visimikizgu vyangu mukati mwawo.

Chituwa 10:27

Kweni Ambuya angunonopeska mtima waku Farao ndipo kuti wanguzomerezga cha kuti ŵarutenge.

Chituwa 11:9

Sono Ambuya anguti kwaku Mosese, “Farao kuti wakakutegherezganga cha; mwakuti vyakuziziswa vyangu vyandaniskike mu charu cha Egipiti.”

Chituwa 11:10

Mosese ndi Aroni ŵanguchita vyakuziziswa ivi vyose paurongo paku Farao, kweni Ambuya angunonopeska mtima waku Farao ndipo kuti wanguŵazomerezga cha ŵaYisraele kutuwamo mu charu.

Sumu 78:43

po wangurongo nchitu zake zikuru ndi minthondwi mu lisuwa la Zoana, mu charu chaEgipiti.

Chituwa 3:19

Ndiziŵa kuti karonga wa Egipiti wakumuzomerezgani kuruta cha, kweni asani wangachichizgika ndi janja la nthazi ndipo.

Chituwa 8:11

Ŵamchuwa ŵakatuwangako kwinu ndi ku nyumba zinu ndi ku ŵateŵeti ŵinu ndi ŵanthu ŵinu; ŵakasiyikanga mu Nile.”

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.