Chituwa 4:15 - Tonga Bible 1986

¹⁵ Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Chituwa 4:15 Referans Kwoze

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Marangu 18:18

Ndikaŵayuskiyanga mchimi uli ndiwe kutuwamu ŵabali ŵawo; ndipo ndikaŵikanga mazu ghangu mu mlomo wake, ndipo wakakambanga nawo vyose vyenivyo ine ndamulanguliya.

Maŵerengedu 23:16

Ambuya angukumana ndi Balamu, ndipo anguŵika mazu mu mlomo wake, anguti, “Uwere kwaku Balaki, ndipo ukakambi kuti viyo.”

Maŵerengedu 23:12

Ndipo wangwamuka, “Kumbi ine ndingareka kuphwere kukamba cho Ambuya aŵika mu mlomo wangu?”

Maŵerengedu 23:5

Ndipo Ambuya angunena ndi Balamu, kuti, “Were kwaku Balaki, yagha ndighu ukakambi.”

Yeremiya 1:9

Sono Ambuya angutambaruwa janja lawo ndi angukwaska mlomo wangu, ndipo anguti kwaku ine, “Ehe ndaŵika mazu ghangu mu mlomo wako.

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

2 Samuele 14:3

ndipo uruti ku karonga, ukakambe nayo makani yagha.” Sono Yoabu wanguŵika mazu mu mlomo wake.

Maŵerengedu 22:38

Balamu wanguti, “Awona, ndaza kwako! Kumbi sono ndendi mazaza kukamba so kanthu? Mazu gho Chiuta wandipangizga, ndigho nditenere kukamba.”

Chituwa 4:12

Viyo sono rutanga, ndipo ine ndikaŵanga ndi mlomo wako, ndi kukusambizga vyenivyo wamukamba.”

1 ŴaKorinte 11:23

Chifukwa ine ndinguronde ku Ambuya chenicho so ndingupereka kwaku imwe, kuti Ambuya Yesu mu usiku wo wakumbolekiyanga, wanguto chiŵande.

Marangu 5:31

Kweni iwe, ume panu ndi ine, ndipo ndikuneniyenge marangu ghose, ndi vipangizgo ndi meruzgidu ghenigho ukaŵasambizganga kuti ŵaghachite mu charu cho ndiŵapska kuŵa chawo.’

1 ŴaKorinte 15:1

Kweni ndimziŵiskiyani, mwa ŵabali, evangeli weniwo ndingumtauliyani, weniwo nawo munguronde, mwenimo so mumiya,

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chituwa 4:28

Ndipo Mosese wangumunene mazu ghose gha Ambuya ghenigho angumutuma ndi visimikizgu vyo angumulanguliya kwachichita.

Chituwa 4:30

Ndipo Aroni wangukamba mazu ghose Ambuya angukambiya Mosese, ndi wanguchita visimikizgu pa maso pa ŵanthu.

Maŵerengedu 16:28

Mosese, wanguti, “Paku ichi ndipo mukaziŵiyanga kuti Ambuya andituma ine kuchita milimu iyi kuti ndi khumbu laku ndija cha.

1 Samuele 16:3

Ukadani Jese kuti waze ku sembe, sono ndi kurongonge mo ukachitiyanga, ndipo wukandipakiyanga yo Ine ndamkukuzumbuliya.”

Sumu 51:15

Ambuya, jurani milomo yangu, ndipo mlomo wangu utaulenge rumbu linu.

Yeremiya 36:32

Sono Yeremiya wanguto chizinga chinyake cha buku wangupaska kwaku Baruki mlembi, mwana waku Neriya mweniyo wangulembapo pa kumunene Yeremiya mazu ghose gha mu chizinga gho Yehoyakimu karonga waku Yuda wangocha pa moto; ndipo mazu ghanandi ghakukozgana nagho ghangusazgikiyako kwaku gho.

Sumu 25:12

Njani munthu yo watopa Ambuya? Mweniyo ndiyo amusambizgenge nthowa yo watenere kusankha.