Chituwa 4:1 - Tonga Bible 1986

¹ Sono Mosese wangwamuka, “Kweni ehe, kuti ŵamuvwana nane cha chingana nkhunditegherezga, pakuti ŵamunena kuti, ‘Ambuya kuti angukuwoneke cha.’ ”

Chituwa 4:1 Referans Kwoze

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

Machitidu gha Ŵakutumika 7:25

(Yo wangugomezga kuti ŵabali ŵake ŵanguziŵa kuti Chiuta waŵapaskanga utaski ndi manja ghake; kweni iwo kuti ŵanguwamo cha.)

Ezekiele 3:14

Mzimu ungundisoska ndi kunditore kutali, ndinguruta mu kuŵaŵa kwa kufunda kwa mzimu wangu, pakuti janja la Ambuya lingundiŵiya la nthazi;

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Chituwa 6:30

Kweni Mosese wanguti ku Ambuya, “Awonani, nde wa milomo yambura kuchinjika, na wamkunditegherezga uli Farao?”

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Chituwa 2:14

Iyo wangwamuka, “Njani wangukumika iwe kuŵa nduna ndi kweruzga ifwe? Kumbi ukhumba kundibaya uli ndimo ungubayiya muEgipiti yuwa?” Sono Mosese wangopa ndi wangughanaghana, “Kwakuneneska chinthu chiya chaziŵikwa.”

Chituwa 3:15

Chiuta wangunena nayo so Mosese, “Viyo ndimo ukanene ku ŵaYisraele, ‘Ambuya Chiuta wa auskemwe Chiuta waku Abrahamu, Chiuta waku Yisaki, ndi Chiuta waku Yakobe, wandituma kwaku imwe’; ili ndi zina langu muyaya, ndipo viyo ndimo ndikakumbukikiyanga mu migonezi yose.

Chituwa 3:16

Ruta, ukaŵawunjike pamoza ŵaraŵara ŵa ŵaYisraele, ndipo ukaŵanene kuti, ‘Ambuya, Chiuta wa auskwemwe Chiuta waku Abrahamu, waku Yisaki, ndi waku Yakobe, wandiwoneke ine, wakati, “Ndakuwonani, ndi vyo vyachitikiya imwe mu Egipiti;

Chituwa 4:10

Kweni Mosese wanguti ku Ambuya, “Owe Ambuya, ine kuti nde salala cha pakukamba kwamba kale; pamwenga po mwambiya kukamba kwaku ine, muŵanda winu; kweni kukamba chizitu-zitu ndi lilime nalo ndizitu.”

Chituwa 4:30

Ndipo Aroni wangukamba mazu ghose Ambuya angukambiya Mosese, ndi wanguchita visimikizgu pa maso pa ŵanthu.

Chituwa 6:12

Kweni Mosese wanguti ku Ambuya, “Awonani, ŵaYisraele kuti ŵatinditegherezga cha, na Farao wanditegherezgenge uli, ine nde munthu wa milomo yambura kuchinjika?”

1 ŴaKaronga 13:3

Ndipo wangupereka chiziŵisku zuŵa lenilo wakuti, “Ichi nchiziŵisku cho Ambuya akamba, ‘Ehe, chiguŵa cha sembe chikapasukiyanga pasi, ndipo choto cho che pachanya po chikadikanga.’ ”

Ŵeruzgi 6:17

Ndipo wanguti kwaku iyo, “Asani nadi ndasaniya wezi mwinu, iku ndirongoni chiziŵisku chakurongo kuti ndimwe murongoro ghane.