Chituwa 38:8 - Tonga Bible 1986

⁸ Ndipo wanguchita chakusambiyapo cha mkuŵa, ndi chiŵanja chake cha mkuŵa, cha magalasi gho ŵanthukazi ŵakuteŵeta wo ŵateŵetiyanga pa khomo la hema lakuwunganamo.

Chituwa 38:8 Referans Kwoze

Luka 2:37

mweniyo so wenga choko cha virimika machumi ghankhonde ndi ghatatu pachanya vinayi, mweniyo kuti watuwangako ku kasopi cha, wakusopa ndi kufunga ndi maniniziku usiku ndi msana.

1 Samuele 2:22

Kweni Eli wenga mura ukongwa, ndipo wanguwona vyose vyo ŵana ŵake ŵachitiyanga ŵaYisraele ndi mwenimo ŵachitiyanga maureŵi ndi ŵanthukazi wo ŵatakatakanga pa chipata cha hema lakuwunganamo.

Chituwa 40:7

ndi muŵike chakusambiyamo pakati pa hema lakuwunganamo ndi jochero la sembe, ndi muŵikemo maji.

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.

Yohane 13:10

Wamnene Yesu, “Wakusamba kuti wakavuka kubira liŵavu lose cha, kweni kusamba marundi pe mbwenu ngwakuphotoka kosekose: imwe mwe ŵakuphotoka, kweni mose cha.”

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Sumu 26:6

Manja ghangu ndisamba mu kuwura kafukwa, ndipo ndizunguliyenge jochero linu, Ambuya,

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

1 Yohane 3:7

Mwatwana twangu, munthu wangamrandizgani kose cha: yo ngwakuchita urunji ndi murunji uli ndimo waliri murunji Yuwa.

ŴaHebere 9:10

pakuŵa mu vyakurgha ndi vyakumwa ndi masambidu ghamtundumtundu malangulu ghanyama pe, ghakuŵikika mpaka nyengo yakukongore.

Yohane 18:16

Petro wanguma pakhomu kubwaro. Viyo msambizi munyake yo, yo wanguziŵikwa ku mzukuru mura, wangutuwa, wangukamba ndi munthukazi wapakhomu, ndipo wangumserezga Petro.

Mateyu 26:69

Kweni Petro wanguja pasi pabwaro mu luluwa; ndipo msungwana yumoza wanguza ndi wanguti, “Iwe nawe wenga pamoza ndi Yesu waku Galile.”

Nthanthi 8:34

Wakukondwa ndi munthu mweniyo wategherezga kwangu, wakulindizga zuŵa ndi zuŵa pa malikomo ghangu, wakulindizga pafupi pa makhomo ghangu.

1 ŴaKaronga 7:38

Ndipo wanguchita vyakusambiyamo vya mkuŵa; chakusmbiyamo che chose chenga ndi mabafa machumi ghanayi (40), bafa lose lenga mukono yinayi, ndipo pa chakumapo che chose chaku vyo chumi penga chakusambiyamo.

Chituwa 31:9

ndi jochero la mpasku wakocha ndi viyaŵi vyake vyose, ndi chakusambiyamo ndi pasi pake,

Chituwa 38:7

Ndipo wanguporoska vyakupingiya vyo mu mphete zo mu mbegheka za jochero, wanguchichita ndi mphowozi ndi mathabwa.

Chituwa 30:17

Ambuya anguti kwaku Mosese,

2 Mikoka 4:2

Wanguchita so nyanja ya kusongono yakuzunguriya, yo mikono yake yenga chumi kuzunguriya likumba lake, kuzaza kwake kwenga mikono yinkhonde, ndi chipimu cha mikono machumi ghatatu (30) chingulongo kuzingiriya kwake.

Yesaya 3:23

minjirira ya usingiti, ndi minjirira yakuwolofoka, vilemba, ndi vivwinkhu.