Chituwa 37:9 - Tonga Bible 1986

⁹ Ŵakerubi ŵangutambaruliya mapapa ghawo kuchanya, kuvimba pachanya pa chitengo cha lisungu ndi mapapa ghawo, ndi kulereskana visku vyawo; ŵakerubi ŵangulereska kurazga ku chitengo.

Chituwa 37:9 Referans Kwoze

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaEfeso 3:10

mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya;

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Yohane 1:51

Ndipo wangumnene, “Nadidi, ndikuneneskiyani, muwonenge kuchanyakujurika, ndi ŵangelo ŵaku Chiuta ŵakwera ndi kusikiya pa Mwana wa munthu.”

Yesaya 6:2

Pachanya paku iwo panguma ŵaserafi, yumoza ndi yumoza wenga ndi mapapa ghankhonde ndi limoza, ndi mapapa ghaŵi wanguvimba chisku chake, ndi ghaŵi wanguvimba marundi ghake, ndipo ndi ghaŵi wanguphururuka.

Chituwa 25:20

Ŵakerubi, ŵakasoskiyanga mapapa ghowo pachanya, kuvunikiriya chitengo cha lisungu ndi mapapa ghawo, kuratana visku vyawo, kurata ku chitengo cha lisungu ndimo ŵaŵiyenge ŵakerubi.

Chiyambo 28:12

Ndipo wangurota kuti penga makwelelo ghakujinthika pa charu chapasi, ndipo songo yake yingufika kuchanya; ndipo ehe, ŵangelo ŵaku Chiuta ŵakweranga ndi ŵasikanga paku gho.

Chiyambo 3:24

Wangumudikiskiya kubwalo munthu; ndipo ku vuma kwa munda wa Edene wanguŵikako ŵaKerubi, ndi lipanga lakulipuka lo lang'anamukiyanga kose-kose, kuvikiriya nthowa yakuya ku muti wa umoyo.

Chituwa 37:8

Kerubi yumoza pa umari umoza, ndi kerubi yumoza pa umari unyake; wanguchita ŵakerube ŵaŵi ŵamoza ndi chitengo.

Chituwa 37:10

Wanguchita so gome la muti wa mlombwa; utali wake mikono yiŵi, usani wake mukono umoza,

1 ŴaKaronga 6:27

Wanguŵika makerubi mu malo gha mukati ukongwa gha nyumba, ndipo mapapa gha makerubi ghangutambaruka, mwakuti phapha la kerubi yumoza lingukwaska chimati ichi, phapha la kerubi munyake lingukwaska chimati chiya, ndipo mapapa ghawo ghanyake ghangukwaskana pakati pa nyumba.