Chituwa 36:1 - Tonga Bible 1986

¹ “Bezalele ndi Oholiaba ndi we yose yo Ambuya amupaska chinjeru ndi kuwamo kuziŵa nchitu ye Yose ya kuzenga nyumba yakupaturika wakatatanga kwakulingana ndi vyose vyo Ambuya alangula.”

Chituwa 36:1 Referans Kwoze

Chituwa 28:3

Ndipo ukambenge ndi wose ŵakuŵa ndi mazaza wo ndaŵazaza ndi zeru, kuti ŵasone maraya ghaku Aroni kumupatuliya ku uzukuru wangu.

Chituwa 39:1

Ndi saru ya bulu, ndi yakufyuŵara, ndi yiyera wanguchita vivwalo vyakutowa, vyakuteŵete mu malo ghakupaturika; wanguchita vivwalo vivwalo vyakupaturika vyaku Aroni, uli ndimo Ambuya angulanguliya Mosese.

Chituwa 25:8

Ndipo ŵandichitiye malo ghakupaturika alinga ndijenge mukati mwawo.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

ŴaHebere 8:2

mliska wa vyakupaturika ndi wa chihema chenecho, chenicho wangujintha Mbuya, munthu cha.

Sumu 119:6

Asani ndiphwere visimisimi vinu vyose, ipo kuti ndikalengeskekanga cha.

Maŵerengedu 7:9

Kweni ku ŵina Kohati kuti wangupaskako nanga nkhamoza cha, chifukwa nchakuti mlimu wawo wenga wa vyakupaturika vyo wanyamuwanga pa phewa.

Chituwa 36:2

Ndipo Mosese wangudana Bezalele ndi Oholiba ndi munthurumi we yose wakwenere ndipo Ambuya angumupaska chinjeru, we yose yo wangukhumba kuza kwachichita nchitu yo:

1 ŴaKaronga 7:14

Uyu wenga mwana wa choko cha mu fuku laku Naftali, awiske ŵenga ŵamu Turo ŵa nchitu ya vya mkuŵa, wakuzazika zeru kuwamo ndi kuziŵa, pakupanga che chose cha nchitu ya mkuŵa. Wanguza ku karonga Solomoni, ndipo wangumchitiya nchitu yose iyi.

1 Mikoka 28:21

Ndipo awona vigaŵa vya ŵazukuru ndi ŵaLevi vyakuwuteŵete wose wa nyumba yaku Chiuta. Ndipo pamoza nawe mu nchitu yose mukaŵanga munthu yose waphamphu yo ndi fundi mu mlimu we wose, ndipo so zinduna ndi ŵanthu wose ŵakawanga pasi pa malamulu ghako.”

Chituwa 12:28

Viyo ŵaYisraele ŵanguruta ndi ŵanguchita kwakukozgana; uli ndimo Ambuya angulanguliya Mosese ndi Aroni ndimu ŵanguchitiya.

Chituwa 31:11

ndi mafuta ghakupaka ndi vyakununkhira vya chema vya malo ghakupaturika. Wakachitanga kwakuyana ndi vyose vyo ndakulanguliya.”

Chituwa 38:23

Ndipo pamoza nayo penga Oholiaba mwana munthurumi waku Ahisamaka, wa mtundu waku Dani misiri ndi wakwata ndi wakulongoso vya kusona vya saru ya bulu, yakufyuŵara, ndi saru yakuwolofoka yakupika.

1 Mikoka 2:20

Huru wangupapa Uri, ndipo Uri wangupapa Bezaleli.