Chituwa 34:9 - Tonga Bible 1986

⁹ Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Chituwa 34:9 Referans Kwoze

Sumu 33:12

Wakutumbikika ndi mtundu wo Chiuta wake ndi Ambuya, ŵanthu wo aŵasankha kuŵa ŵanthu ŵawo.

Sumu 94:14

Ambuya kuti angajowo ŵanthu ŵawo cha; nanga nkhuŵasiya wo mbaku iwo naku cha.

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

Sumu 135:4

Ambuya akujisankhiya Yakobe, ŵaYisraele kuŵa chihara chawo.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

Chituwa 32:9

Ndipo Ambuya anguti kwaku Mosese, “Ndawona wanthu yaŵa ndipo ehe, mbanthu ŵanonono mtima.

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”

Sumu 78:62

Wangukalipa ndi ŵanthu ŵapa mtima wake, ndipo wanguŵapereka kuti ŵabayike ndi ŵarwani ŵawo.

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Sumu 25:11

Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

Maŵerengedu 14:19

Gowokiyani kwananga kwa ŵanthu yaŵa, ndikuŵeyani kwakulingana ndi lisungu linu likuru, ndipo nge ndimo mwaŵiya ŵakugowoke ŵanthu yaŵa, kuturiya ku Egipiti mpaka kunu ku sono.”

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Marangu 9:18

Ndipo ndinguwa pasi pa nthazi pa Ambuya nge mphakudanga, mazuŵa machumi ghanayi chingana nkhumwa maji, chifukwa cha kwananga kwenu, pakuchita uheni pa maso pa Ambuya, kuŵakwiyiska.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

Marangu 9:29

Chifukwa mbanthu ŵinu ŵakusankhika, ŵeniwo munguŵatuzga ndi nthazi zinu zikuru ndi mkono winu wakunyoroka.’

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Chituwa 33:12

Mosese wanguti ku Ambuya, “Awonani, mutiti kwaku ine, ‘Kwezga ŵanthu yaŵa’; kweni mulivi kundiziŵiska njani mweniyo mukanditumiyanga nane pamoza. Kweni mwakamba kuti, ‘Nditukuziŵa ndi zina, ndipo iwe so wasaniya wezi mu maso ghangu.’