Chituwa 34:7 - Tonga Bible 1986

⁷ wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Chituwa 34:7 Referans Kwoze

Sumu 103:3

Mbakugowoke kubende kwako kose, mbakuchizga nthenda zako zose.

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Sumu 130:4

Kweni mutitigowoke, alinga kuti timopeni imwe.

Jobu 10:14

Asani ndilakwa mundiwona, ndipo kuti mundifwatuwa cha ku ulakwi wangu.

Chituwa 23:7

Ndereni kutali ku mrandu wautesi ndipo mungabayanga wambura kafukwa ndi murunji cha, chifukwa ine kuti ndizomerezgenge cha muheni.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

ŴaHebere 12:29

chifukwa nadi Chiuta widu ndi moto wakunyeka.

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Machitidu gha Ŵakutumika 13:38

Viyo kuziŵikwe kwaku imwe, mwa ŵabali, kuti mwaku mweniyo chitaulikiya imwe chireke cha vilakwa:

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

Yoswa 24:19

Kweni Yoswa wangunena nawo, “Kuti mungaziŵa kutataliya Ambuya cha; pakuti ndi Chiuta mtuŵa; ndi Chiuta wasanje; kuti wakagowokiyanga maubendezi ghinu pamwenga vilakwa vinu cha.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.

Luka 7:48

Ndipo wanguti kwaku iyo, “Vyarekeka vyakulakwa vyako.”

Luka 7:42

Po ŵengavi iwo kakulipiyapo, wanguŵagowoke ŵaka wose ŵaŵi. Viyo nunju waku wo wamwanjiskenge ukongwaku?”

Mateyu 12:31

Viyo ndikuneniyani, kulakwa kose ndi kutuka kungagowokeleka ku ŵanthu, kweni kutuka kwapa Mzimu Wakupaturika kuti kugowokelekenge cha.

Mika 6:11

Kumbi ndingamuleka munthu yo wendi mweso yiheni, ndi thumba la mauzitu ghakupimiya ghakupusika?

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Sumu 136:15

wangubizga Farao ndi nkhondo yake, chifukwa nchambuyaya chifundu chake;

Sumu 136:10

Wangubaya ŵana ŵa umwali ŵa ŵaEgipiti, chifukwa nchamuyaya chifundu chake.

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Chiyambo 19:16

Kweni wanguziulika; viyo ŵa ŵanthu ŵangumuko iyo ndi muwoli wake ndi ŵana ŵanthukazi ŵaŵi pa janja, pakuti Chiuta wanguŵa nayo ndi lisungu, ndipo ŵangumutuzgiya ku bwalo kwa msumba wo.

Chituwa 33:19

Ndipo iwo anguti, “Ndikachitanga kuti umampha wangu wose ukadumuwanga paurongo pako, ndipo ndikaziŵiskanga zina langu paurongo pako lakuti, ‘Ambuya,’ ndipo ndikaŵanga wawezi kwaku mweniyo ndikhumba kuŵa wa wezi ndipo ndikarongonga lisungu paku yo ndirongonge lisungu.

Chituwa 34:9

Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Marangu 7:10

Ndi kuŵawezge thayu pa maso pawo ŵeniwo ŵatimutinkha, pakuŵaparghang'a, kuti wakazuwulikanga cha ndiyo watimutinkha, wakamuwezgiyanga thayu pa maso pake.

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

1 ŴaKaronga 8:32

iku vwani imwe kuchanya ko, ndipo chitani, muŵeruzge ŵaŵanda ŵinu, kususka wakulakwa yo pakutole pa mutu wa mwenecho vyo wachita, ndi kupaska chirewa ku wakurunjika yo pakumupaska mwenera wa urunji wake.

Sumu 25:11

Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

Sumu 99:8

Ambuya Chiuta widu, munguŵamuka ŵanthu ŵinu; munguŵarongo iwo kuti imwe mwe Chiuta yo wagowoke, kweni munguŵalanga chifukwa cha mauheni ghawo.

Sumu 109:14

Ambuya akumbuke kubende kwa awiske, uheni wa anyina ureke kugowokereka.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.