Chituwa 34:6 - Tonga Bible 1986

⁶ Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Chituwa 34:6 Referans Kwoze

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Sumu 145:8

Mbakwanja ndi ŵalisungu Ambuya, mba chizita mu kukwiya kweni akuzara chifundu.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Marangu 5:10

nde wakuchitiya lisungu ku vikwi vyaku ŵeniwo ŵatindanja ndi wo ŵasunga marangu ghangu.

Sumu 138:2

Ndikotamiya pasi kurazga ku kasopi winu wakupaturika ndi kurumba zina linu, chifukwa cha chifundu chinu ndi ukongorekwa winu, pakuti mwarongo kuti imwe ndi malangulu ghinu mwe apachanya ukongwa.

Sumu 116:5

Ambuya mbamampha ndi ŵalisungu likuru; Chiuta widu ngwa chitima.

Sumu 108:4

Chifukwa chanju chinu chakufikapo chifika pachanya pa machanya, ukongorekwa winu ku mitambo.

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Sumu 111:4

Ambuya kuti akhumba cha kuti ifwe tiruwenge nchitu zawo zakuziziswa; mba wezi ndi lisungu Ambuya.

Sumu 112:4

Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

Sumu 57:10

Chifukwa nchikuru mpaka ku machanya chifundu chinu, kugomekezgeka kwinu kufika mpaka ku mitambo.

Chituwa 22:27

pakuti nchenicho pe chakuvwinkha chake, nchivwalo cha liŵavu lake na wakavwinkhanganji wachigona? Ndipo asani wakaliriyanga kwaku ine, ndikavwanga, pakuti nde wachitima.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Chitenje 3:23

ngafya mlenji we wose; ukongolekwa winu ngukuru mbwenu.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Sumu 91:4

Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Yesaya 12:4

Ndipo mukakambanga mu zuŵa leniliya: “Paskani viwongu ku Ambuya, danani pa zina lawo, ziŵiskani nchitu zawo mukati mu mitundu, memezani kuti zina lawo lakuzgika.

Sumu 111:8

Ngakujaririya muyaya; ghangupaskika mu uneneska ndi urunji.

1 ŴaKaronga 19:11

Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Yakobe 5:11

Awonani, tiwapima ŵamwaŵi wo ŵangukunthiyapo. Nwavwa ndi unkhunthiya wo waku Yobu, ndipo mwaona mo Ambuya wanguufiskiya, pakuti Ambuya mbachitima ukongwa ndi wachifundu.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chituwa 33:19

Ndipo iwo anguti, “Ndikachitanga kuti umampha wangu wose ukadumuwanga paurongo pako, ndipo ndikaziŵiskanga zina langu paurongo pako lakuti, ‘Ambuya,’ ndipo ndikaŵanga wawezi kwaku mweniyo ndikhumba kuŵa wa wezi ndipo ndikarongonga lisungu paku yo ndirongonge lisungu.

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Marangu 32:3

Pakuti ndikataulanga zina la Ambuya, kupereka ura kwaku, Chiuta widu!

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Yesaya 65:16

Viyo kuti yo watijitumbika mu charu wakajitumbikanga mwaku Chiuta wa uneneska, ndipo yo wachita rapu mu charu wakarapiyanga mwaku Chiuta wa uneneska; chifukwa masuzgu ghakudanga gharuwika ghabisika kwangu ku maso.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

2 Samuele 24:14

Penipo Davidi wangunena ndi Gadi, “Ndafinyikizgika ukongwa; mphanyi tawa waka mu janja la Ambuya, pakuti ngukuru ukongwa wezi wawo; kweni kuti ndiwe mu janja la munthu cha.”

Nthanthi 3:3

Kujithereska ndi kugomekezgeka vingakutayanga cha uvimangiliye mu khosi lako, uvilembe pa gome la mtima wako.