Chituwa 34:5 - Tonga Bible 1986

⁵ Ndipo Ambuya angusikiya mu mtambo ndi anguma pamoza nayo penipa, wangumemeza zina la Ambuya.

Chituwa 34:5 Referans Kwoze

Chituwa 33:19

Ndipo iwo anguti, “Ndikachitanga kuti umampha wangu wose ukadumuwanga paurongo pako, ndipo ndikaziŵiskanga zina langu paurongo pako lakuti, ‘Ambuya,’ ndipo ndikaŵanga wawezi kwaku mweniyo ndikhumba kuŵa wa wezi ndipo ndikarongonga lisungu paku yo ndirongonge lisungu.

Maŵerengedu 11:25

Ndipo Ambuya angusikiya mu mtambo kurongoro nayo, ndipo angutoko mzimu wo wenga mukati mwake ndi kuwupaska ku ŵara wo machumi ghankhonde ndi ghaŵi (70) penipo mzimu unguja paku iwo, ŵanguchima. Kweni pavuli kuti ŵanguchima so cha.

Chituwa 33:9

Mosese wati wasere mu hema mzati wa mtambo ungusika ndikuma pa khomo la hema, ndi Ambuya angukamba nayo Mosese.

Maŵerengedu 11:17

Nkhasikanga kwazirongoro nawe penipo; ndipo nkhatongako mzimu wo we mwako ndi kuwuŵika mwaku iwo; ndipo ŵakanyamuwanga uzitu wa ŵanthu pamoza nawe, alinga kuti ureke kuwunyamuwa wija.

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 102:21

Ndipo ŵanthu ŵakataulanga zina la Ambuya mu Zioni; ŵakaperekanga viwongo kwaku iwo mu Yerusalemu,

Marangu 32:3

Pakuti ndikataulanga zina la Ambuya, kupereka ura kwaku, Chiuta widu!

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Maŵerengedu 14:17

Viyo sono, nditumuŵeyereni, nthazi zinu Ambuya zikuwe nge ndimo mungukambiya, kuti,

Chituwa 19:9

Ndipo Ambuya anguti kwaku Mosese, “Awona, Ine ndituza kwako mu mtambo wakututumuka, alinga kuti ŵanthu ŵajivwiye ndichikamba nawe, ndi alinga kuti ŵavwane nawe muyaya.” Viyo Mosese wangunene Ambuya mazu gha ŵanthu wo

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Maŵerengedu 12:5

Ndipo Ambuya angusikiya mu chimtambo, anguma pa khomo la hema, ndipo angudana Aroni ndi Miriamu ndipo wo ŵaŵi ŵangutuliyako.

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”