Chituwa 34:21 - Tonga Bible 1986

²¹ “Mazuŵa ghankhonde ndi limoza mukatatanga, kweni pa zuŵa la chinkhonde ndi chiŵi mukapumuwanga; mu nyengo yakupandiya ndi yakuvuniya mukapumuwanga.

Chituwa 34:21 Referans Kwoze

Chituwa 23:12

“Mazuŵa ghankhonde ndi limoza mukatatanga nchitu zinu, kweni pa zuŵa la chinkhonde ndi chiŵi mukapumuwanga; alinga kuti ng'ombe yinu ndi mbunda yinu zipumuwe, ndi mwana munthurumi wa muŵanda winu munthukazi, ndi mlendo, waronde nthazi.

Luka 13:14

Kweni mura wa sinagoge, wakutundiya chifukwa Yesu wanguchizga pa Sabata, wangwamuka ndi wangunene mzinda wo, “Mazuŵa ghankhonde ndi limoza ghalipo, mwaku ghenigho kutenere kutakataka: mwaku ghenigho muzachichizgika, pa zuŵa la Sabata cha.”

1 Samuele 8:12

wakajisankhiyanga zinduna za nkhondo za vikwi ndi zinduna za machumi ghankhonde, ŵanyake kukulima ndi kuvuna vyakurgha vyake, kupanga vidya vyake vya nkhondo ndi vyakunozge magareta ghake.

Marangu 21:4

Ndipo ŵara ŵa msumba wo ŵakazanga ndi kang'ombe ko ku dambo la maji ghakwenda, lenilo lilivi kulimika pamwenga kupandikamo kanthu ndipo ŵakafyonga singu la kang'ombe ko mwenimuwa mu dambo.

Chituwa 35:2

Milimu yikachitikanga mazuŵa ghankhonde ndi limoza, kweni pa zuŵa la chinkhonde ndi chiŵi mukaŵanga ndi sabata lakupaturika lakupumuwa, ku Ambuya; we yose wakuchita mlimu mwaku lo wakabayikanga;

Luka 23:56

Ndipo ŵanguwe, ndipo ŵangurongoso vyema ndi mafuta ghakumtukutizga. Ndipo pa Sabata ŵangupumuwa kwakulingana ndi langulu lo.

Yesaya 30:24

ng'ombe ndi mbunda zo zilima nyata zikarghanga kurgha kwa muche, ko kwapepeteka ndi lipalu ndi beseni.

Chiyambo 45:6

Pakuti chilala ichi chaja virimika ivi viŵi mu charu ichi; ndipo vichalipo virimika vinkhonde mwaku vyo kuti mukaŵanga kulima cha chingana nkhuvuna.

Chituwa 31:15

Milimu yikachitikanga mu mazuŵa ghankhonde ndi limoza, kweni zuŵa la chinkhonde ndi chiŵi ndi sabata la chipumulo pe, lakupaturika ku Ambuya; we yose wakuchita mlimu we wose pa zuŵa la sabata wakabayikanga.

ŴaLevi 23:3

Mazuŵa ghankhonde ndi limoza ghakuchitiya nchitu: kweni pa zuŵa la chinkhonde ndi chiŵi ndi sabata la chipumulu chakupaturika, kuwungana pamoza kusopa; kuti mukachitanga nchitu cha; ndi sabata ku Ambuya mu malo ghinu ghose ghakujamo.

Nehemiya 13:15

Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.