Chituwa 34:18 - Tonga Bible 1986

¹⁸ “Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Chituwa 34:18 Referans Kwoze

ŴaLevi 23:6

Ndipo pa zuŵa la chumi pachanya ghankhonde mwezi weniwo pe ndi dghera la chiŵande chambura mtupu ku Ambuya; mukarghanga chiŵande chambura mtupu mazuŵa ghankhonde ndi ghaŵi.

Chituwa 13:4

Zuŵa ili mukatuwanga, mu mwezi wa Abibi.

Machitidu gha Ŵakutumika 12:3

Ndipo wachiwona kuti kungukondweska ŵaYuda, wangutaruliya kumko Petro nayo. Ndipo kwenga mazuŵa gha vyambura-mtupu.

Luka 22:1

Ndipo laŵandikanga dghera la vyambura mtupu, lakutamulika Phaska.

Marko 14:1

Kweni pavuli pa mazuŵa ghaŵi linguŵapo dghera la phaska, ndi la chiŵande chambura chimera: ndipo ŵazukuru ŵara ndi ŵalembi ŵapenjanga mo wambayiyenge, wachimko kwa uchenjezi:

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Chituwa 12:2

“Muchiti mwezi uwu kuŵa mwezi wakwamba kwa myezi; ukaŵanga mwezi wakudanga wa chirimika kwaku imwe.

Chituwa 12:42

Wenga usiku wakulereze ku Ambuya, kuŵatuzga mu charu cha Egipiti; viyo usiku weniuwa mbusiku wakusungikiya Ambuya ndi ŵaYisraele wose mu migonezi yawo yose.

Maŵerengedu 28:16

“Pa zuŵa la chumi ndi ghanayi la mwezi wakudanga ndi dghera la phaska la Ambuya.

Maŵerengedu 28:17

Ndipo pa zuŵa la chumi ndi ghankhonde la mwezi uwu ndi dghera; mukarghanga chiŵande chambura mtupu mazuŵa ghankhonde ndi ghaŵi.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 23:14

“Katatu mu chirimika chimoza mukandichitiyanga dghera ine.