Chituwa 34:16 - Tonga Bible 1986

¹⁶ Mungatole ŵana ŵinu ŵanthurumi ŵana ŵawo ŵanthukazi cha, vinu ŵana ŵawo ŵanthukazi ŵachitiyenge uheni ŵachiuta ŵawo ndi kuchitiska ŵana ŵinu ŵanthurumi uheni pakurondo ŵachiuta ŵawo.

Chituwa 34:16 Referans Kwoze

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

Nehemiya 13:25

Ndipo ndingususkana nawo ndi kuŵatemba ndi kuŵapuma ŵanyake ŵaku wo ndi kukuchuwa sisi lawo; ndipo ndinguŵakakamizga kuchita rapu mu zina laku Chiuta, “Kuti mukapaskanga ŵana ŵinu ŵanthukazi ku ŵana ŵawo ŵanthurumi cha, pamwenga kutole ŵana ŵinu ŵanthurumi, ŵana ŵawo ŵanthukazi cha pamwenga kujitole mwaŵeni.

Nehemiya 13:23

Mu mazuŵa ghenigho so ndinguwona ŵaYuda ŵeniwo ŵanguto ŵanthukazi ŵaku Ashidodi, Amoni, ndi Moabu,

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

Yoswa 23:13

ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.

Ŵeruzgi 3:6

ndipo ŵanguyitole ŵana ŵawo ŵanthukazi kuŵa ŵawoli, ndipo ŵana ŵawo ŵanthukazi ŵangupereka ku ŵana ŵawo ŵanthurumi; ndipo ŵangutataliya ŵachiuta ŵawo.

Ŵeruzgi 14:3

Kweni awiske ndi anyina wangunena nayo, “Kumbi mulivi munthukazi mu ŵana ŵanthukazi ŵa ŵabali ŵako, pamwenga mukati mu ŵanthu ŵidu wose, po utiti ukato munthukazi ku ŵaFilisti wambura kuchinjika?” Samsoni wanguti ku awiske, “Kanditoliyeni munthukazi yo: pakuti watindikondweska ukongwa.”

1 ŴaKaronga 11:1

Sono karonga Solomoni wangwanja ŵanthukazi ŵachilendo: mwana munthukazi waku Farao ndi ŵaMoabu, ŵaAmoni, ŵaEdomu, ŵaSidoni, ndi ŵanthukazi ŵa ŵaHiti,

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

Nehemiya 10:30

Kuti tikapaskanga ŵana ŵidu ŵanthukazi ku ŵanthu ŵa charu ichi cha pamwenga kuto ŵana ŵawo ŵanthukazi kuŵa ŵawoli ŵa ŵana ŵidu ŵanthurumi cha;

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

ŴaLevi 21:15

mwakuti wareke kukazuzga ŵana ŵake mu ŵanthu ŵake; pakuti ndine Ambuya ndingumupatuwa.”

Ŵeruzgi 3:5

Viyo ŵaYisraele ŵanguja mukati mu ŵaKanani, ŵaHiti, Amori, ŵaPerezi, ŵaHivi, ndi ŵaYebusi;

Ŵeruzgi 8:27

Ndi vyenivyo Gideoni wangupanga raya la uzukuru wanguliŵika mu msumba wake mu Ofra; ndipo ŵaYisraele wose ŵanguchita uheni paku lo mwenimuwa, mwakuti lingusanduka chiŵana kwaku Gideoni ndi ku mbumba yake.

1 ŴaKaronga 21:25

Pengavi yumoza mweniyo wangujiguliska kuchita mphurupuru mu maso gha Ambuya, kwakulingana ndi Ahabu, mweniyo wangunyengeka ndi Yezebelu muwoli wake.

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Nehemiya 10:31

ndipo asani ŵanthu ŵa charu ichi ŵatuŵa ndi vinthu vya malonda pamwenga kurgha pa zuŵa la sabata kuguliska, kuti tikagulananga nawo cha pa sabata pamwenga pa zuŵa lakupaturika tikarekanga vyakurgha vya chirimika cha chinkhonde ndi chiŵi ndi kupana mangaŵa ghose.

Sumu 106:39

Ŵangujikazuzga ndimachitiru ghawo, ndipo kwaku Chiuta ŵenga ŵambura magomezgeka.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”