Chituwa 34:15 - Tonga Bible 1986

¹⁵ vinu mungachita phanganu ndi ŵakuja mu charu cho, ndipo ŵachichita uheni pakurondo ŵachiuta ŵawo ndi kupaska mipasku ku ŵachiuta ŵawo, asani yumoza watikudaniyaniko, mungargha vya mipasku yake cha.

Chituwa 34:15 Referans Kwoze

Ŵeruzgi 2:17

Ndipuuli, kuti ŵanguvwiya ŵeruzgi ŵawo cha; pakuti ŵangusomphorwa ku ŵachiuta ŵanyake ŵanguŵalambiya; ruŵiruŵi ŵangupatuka mu nthowa yo auskeu ŵangwendamo, wo ŵanguvwiya marangu gha Ambuya, kweni iwo kuti ŵanguchita viyo cha.

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

Sumu 106:28

Ndipo ŵanthu ŵaku Chiuta ŵangujibatika ku kusopa Bala pa Peori, ndi ŵangurgha sembe zakupaskika ku ŵakufwa.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Maŵerengedu 25:2

Yaŵa ŵangudaniya ŵanthu ku sembe za ŵachiuta ŵawo, ŵanthu ŵangurgha ndi kugwadiya ŵachiuta ŵawo,

1 ŴaKorinte 10:27

Asani yumoza wa ŵambura chivwanu wakudanani, ndipo mukhumba kuruta; rghanipo chose cho chajarikikiya imwe, kwambura kufumbapo kanthu pa chifukwa cha njuŵi.

1 ŴaKorinte 8:10

chifukwa asani munthu wangakuwona iwe wakuŵa ndi mziŵiru, kuja pa gome mu kasopi wangoza, asi njuŵi zake, pakuŵa iyo wadomboto, zikhomeskekenge kurgha vyakubayikiya vyangoza?

1 ŴaKorinte 8:7

Kweni kuti mu munthu yose mwe mziŵiru wo cha. Wanyake pakuziŵiriya vyangoza mpaka kuno ku sono, ŵaturgha nge vyakubayikiya vyangoza; ndipo njuŵi zawo pakuŵa ziteta, zikazuzgika.

Yeremiya 3:9

Chifukwa kuchita ureŵi kwaku iyo chenga chinthu chipusu, wangukazuzga charu pakuchita ureŵi ndi mwa ndi muti.

ŴaLevi 17:7

Viyo kuti ŵakabayiyanga so sembe zawo ku vikozgu cha, kwaku vyo ŵagarukiyako. Ili likaŵanga langulu muyaya kwaku wo mu migonezi yawo yose.

Chituwa 34:12

Mujichenjere, vinu mungachita nawo phanganu ŵakuja mu charu cho kweniko mutiya, vinu chingakuŵiyani chikhwiriki mukati mwinu.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

Hoseya 9:1

Ungasakeriyanga cha, Yisraele! Ungajikuzgana nge mba mitundu chifukwa wachita ureŵi, pakusiya Chiuta wako. Wanja mphoto ya munthukazi mureŵi pa chitanthali chose cha trigu.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Ezra 6:9

Ndi chose cho ŵakhumba: ng'omba zinthurumi zimanazimana, ndi mberere zinthurumi ndi zinthukazi za sembe zakocha kwaku Chiuta wa kuchanya, ndi trigu, ndi mche, ndi vinyo, ndi mafuta, mo ŵazukuru wo ŵemu Yerusalemu ŵakhumbiyenge, muvipaskenge kwaku wo zuŵa ndi zuŵa kureka cha;

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Chituwa 34:10

Ndipo iwo anguti, “Ehe, ndichita phanganu. Paurongo pa ŵanthu ŵako wose ndikachitanga vyakuziziswa, vyo kuti vikuchitikapo cha mu charu chose chapasi pamwenga mukati mwa mtundu umoza; ndipo ŵanthu wose ŵakukumana namwe ŵakawonanga mlimu wa Ambuya; pakuti nchinthu chakofya cho ndikachitanga namwe.

Chituwa 23:32

Mukachitanga nawo phanganu cha, pamwenga ndi ŵachiuta ŵawo nawo cha.

Machitidu gha Ŵakutumika 15:20

kweni kuti tilembe kwaku wo kalata wakuti ŵajitinthe ku vyaukazuzi vya ŵangoza, ndi ku uyaya, ndi ku vyakuphuphunyuka, ndi ku ndopa.

Chituwa 22:20

“We yose wakupereka chisopo kwaku chiuta we yose, kwambura nge nkhu Ambuya, wakaphwanyikanga kwambura kujako.

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Maŵerengedu 25:1

Wachija Yisraele mu Shitimu ŵanthu ŵangwamba kuseŵe ndi ŵana ŵanthukazi ŵa Moabu.

Marangu 7:3

Mungatorananga nawo nthengwa, kuzomerezga ŵana ŵinu ŵanthukazi kutorana ndi ŵana ŵawo ŵanthurumi, pamwenga ŵana ŵinu ŵanthurumi kuto ŵana ŵawo ŵanthukazi.

Marangu 32:37

Sono akakambanga kuti, ‘Ŵepani ŵachiuta ŵawo, jarawe lo ŵangubisamamo?

Marangu 32:38

Iwo ŵangurgha mafuta gha mipasku yawo ndi kumwa vinyo wa mpasku wawo wakumwa. Ŵayuke ndi ŵakovyeni, ŵaŵe iwo ŵakumuvikiriyani!

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

Ŵeruzgi 3:6

ndipo ŵanguyitole ŵana ŵawo ŵanthukazi kuŵa ŵawoli, ndipo ŵana ŵawo ŵanthukazi ŵangupereka ku ŵana ŵawo ŵanthurumi; ndipo ŵangutataliya ŵachiuta ŵawo.

1 Mikoka 5:25

Kweni ŵangulakwiya Chiuta wa auskeu pakuchita ukazuzi ndi ŵachiuta ŵa ŵanthu ŵa charu chiya, wo Chiuta wangupasuwa pa maso pawo.

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

Chituwa 22:19

“We yose wakura ndi nyama wakabayikanga.

Marangu 31:18

Ndipo kwakuneneska ndikabisanga chisku changu mu zuŵa lo, chifukwa cha mauheni ghose gho ŵachita pakuti ŵang'anamukiya ku ŵachiuta ŵalendo.