Chituwa 34:10 - Tonga Bible 1986

¹⁰ Ndipo iwo anguti, “Ehe, ndichita phanganu. Paurongo pa ŵanthu ŵako wose ndikachitanga vyakuziziswa, vyo kuti vikuchitikapo cha mu charu chose chapasi pamwenga mukati mwa mtundu umoza; ndipo ŵanthu wose ŵakukumana namwe ŵakawonanga mlimu wa Ambuya; pakuti nchinthu chakofya cho ndikachitanga namwe.

Chituwa 34:10 Referans Kwoze

Marangu 10:21

Ndiyo unkhankhu winu, ndiyo Chiuta winu, mweniyo wamuchitiyani vinthu vikuru ndi vyakofya, vyo maso ghinu ghawona.

Sumu 77:14

Ndimwe Chiuta wakuchita vya minthondwi; yo wakurongo mazaza ghake mukati mu mafuku gha ŵanthu.

Yesaya 64:3

Penipo munguchita vinthu vyakofya vyenivyo ifwe tangavi kuvipenja, mungusikiya pasi, mapiri ghangusukunika pa uŵapo winu.

Sumu 66:5

Zaninga ndi muwone vyo Chiuta wachita: nchitu zake mukati mu ŵanthu zakuziziswa.

Yeremiya 32:21

Mungutuzga ŵanthu ŵinu ŵaYisraele mu charu cha Egipiti ndi visimikizgu ndi vyakuziziswa, mungutambaruwa janja la nthazi, ndi kofyeska ŵanthu ukongwa;

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

Sumu 78:12

Pa maso pa auskeu wanguchita vyakuziziswa, mu charu cha Egipiti, mu malisuwa gha Zoani.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Yoswa 6:20

Viyo ŵanthu ŵangukambura, zimbata zingumbika. Ndipo ŵanthu ŵanguti ŵavwa chizoza cha mbata, ruŵi ŵangukambura ukongwa, ndipo linga linguwa pasi ske-ske-ske, mwakuti ŵanthu ŵangukwere mu msumba, munthu yose po wangurazga maso ghake, ndipo ŵanguto muzi wo.

Chituwa 34:27

Ndipo Ambuya anguti kwaku Mosese, “Lemba mazu yagha; kwakulingana ndi mazu yagha ndachita phanganu ndi iwe, ndi Yisraele.”

Sumu 145:6

Ŵanthu ŵakambenge vya milimu yinu ya nthazi, ine ndimemezenge ukuru winu.

Sumu 106:22

nchitu zakuziziswa mu charu cha Hamu, vinthu vyakofya pa Nyanja Yiyera.

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Sumu 147:20

Walivi kuchita ichi ku mitundu yinyake; kuti ŵaziŵa cha malangulu ghake. Rumbani Ambuya!

Marangu 4:13

Ndipo anguvumuliya kwaku imwe phanganu lawo, lenilo angukuneniyani kuti mulichite, ndilo marangu chumi, ndigho angugharemba pa mya yiŵi ya vipapate.

Sumu 68:35

Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

Chituwa 34:28

Ndipo wenga wakuja pamoza ndi Ambuya mazuŵa machumi ghanayi (40) ndi mausiku machumi ghanayi (40), kuti wangurgha nanga ndi chiŵandi chingana nkhumwa maji cha. Ndipo wangulemba pa magome mazu gha phanganu, marangu gho chumi.

Marangu 9:19

Pakuti ndenga wamantha chifukwa cha kukwiyiskika kukuru ko Ambuya anguŵa nako paku imwe, kuti ŵenga pafupi kumupasuwani. Kweni Ambuya angundivwiya so pa nyengo yiya.

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.

Sumu 136:4

Iyo yija wachita vyakuziziswa vikuru, chifukwa nchamuyaya chifundu chake;

Mika 7:15

Nge ndi mu mazuŵa pomwa tuwanga mu charu cha Egipiti, nkhaŵalongonga vinthu vyakuziziswa.