Chituwa 33:9 - Tonga Bible 1986

⁹ Mosese wati wasere mu hema mzati wa mtambo ungusika ndikuma pa khomo la hema, ndi Ambuya angukamba nayo Mosese.

Chituwa 33:9 Referans Kwoze

Sumu 99:7

Angurongoro nawo mu mzati wa mtambo; ŵangusunga visimisimi ndi marangu gho anguŵapaska.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Ezekiele 3:22

Janja la Ambuya lenga paku ine; angunena nane, “Soka, rutanga ku chidika, ndamurongoro nawe kwenikuwa.”

Maŵerengedu 11:17

Nkhasikanga kwazirongoro nawe penipo; ndipo nkhatongako mzimu wo we mwako ndi kuwuŵika mwaku iwo; ndipo ŵakanyamuwanga uzitu wa ŵanthu pamoza nawe, alinga kuti ureke kuwunyamuwa wija.

Chituwa 34:9

Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Chituwa 34:3

Paulevi munthu wakwere kuno pamoza nawe, ndipo kanizga kuti kuulevi munthu wakawonekanga mu phiri lose; kanizga viŵetu ndi miskambu kuzachirgha paurongo pa phiri lo.”

Chituwa 33:11

Viyo ndimo Ambuya arongoroliyanga ndi Mosese chisku ndi chisku, uli ndimo munthu warongorore ndi bwezi lake. Penipo Mosese wangusere so mu ugoŵi, muteŵeti wake Yoswa mwana munthurumi waku Nuni ndiyo munyamata, kuti wangutuwapo cha pa hema.

Chituwa 25:22

Muwa ndikakumananga namwe, kutuwa pachanya pa chitengo cha lisungu, kutuwa pakati pa ŵakerubi wo ŵaŵi wo ŵe pachanya pa bokosi la phanganu, ndikakabanga namwe ghaku vyose vyo ndilanguliyenge ŵaYisraele.

Chiyambo 18:33

Viyo Ambuya anguruta mu nthowa yawo ŵati ŵamara kurongoro ndi Abrahamu; ndipo Abrahamu nayo wanguwere ku malo ghake.

Chiyambo 17:22

Wanguti wamara kukamba, Chiuta wangukwera kutuwako kwaku Abrahamu.

Chituwa 33:8

Penipo pose Mosese wanguruta ku hema lo, ŵanthu wose ŵangusoka, ndipo muthu yose wanguma pa khomo lo lake, wangulereska pavuli paku Mosese, mpaka penipo wangusere mu hema.

Chituwa 33:10

Ndipo penipo ŵanthu wose ŵanguwona mzati wa mtambo kuma pa khomo la hema, ŵanthu wose ŵasokanga ndi kulambiya, munthu we yose pa khomo la hema lake.

Chituwa 34:5

Ndipo Ambuya angusikiya mu mtambo ndi anguma pamoza nayo penipa, wangumemeza zina la Ambuya.

Marangu 31:14

Ndipo Ambuya anguti kwaku Mosese, “Ehe, mazuŵa ghaŵandika mwaku gho ufwiyenge, udane Yoswa ndipo muzijirongo mwija mu hema lakuwunganamo alinga kuti ndimupaske mazaza.” Ndipo Mosese ndi Yoswa ŵanguruta ndi ŵangujirongo ŵija mu hema lakuwunganamo.

Marangu 31:15

Sono Ambuya anguwoneka mu hema mu mzati wa mtambo ndipo mzati wa mtambo unguma pa khomo la hema.

Maŵerengedu 7:89

Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.