Chituwa 33:4 - Tonga Bible 1986

⁴ Penipo ŵanthu ŵanguvwa uthenga uwu uheni, ŵangutenje; ndipo pengavi munthu wanguvwara vyakujinozeska navyo.

Chituwa 33:4 Referans Kwoze

Maŵerengedu 14:39

Ndipo Mosese wangunena ndi ŵaYisraele mazu ghose yagha, ŵanthu ŵangutenje ukongwa.

Ezekiele 26:16

Penipo mafumu ghose ghakunyanja gha kasikiyanga pasi kutuwa pa vitengo vyawo, ŵakazuwanga minjitira yawo, ndi kukhoropo maraya ghawo gha maŵanga-maŵanga; ŵakajivwarikanga kunjenjeme, wakajanga pasi pa ŵaka ŵakumbwambwanthiya nyengo yose, ndi ŵambura nthazi paku iwe.

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Maŵerengedu 14:1

Sono wumba wose ungusoska mazu ndi kubongo, ŵanthu ŵanguliya usiku wuwa.

Zekariya 7:5

“Kamba ku ŵanthu wose ŵamu charu ndi ku ŵazukuru, kuti, muchifunga ndi kutenje mu mwezi wa chinkhonde, ndi wa chinkhonde ndi chiŵi kwa virimika ivi machumi ghankhonde ndi ghaŵi (70) kumbi mungufungiya ine?

Zekariya 7:3

ndi kufumba ŵazukuru ŵa nyumba ya Ambuya ŵa maŵanja ndi ŵamchimi, kuti, “Kumbi ndikwenere kutenje ndi kufunga kurgha mu mwezi wa chinkhonde, nge ndimo ndachitiyanga virimika vinandi?”

Yona 3:6

Mbiri ya mazu yagha yingumufika karonga waku Nineve, ndipo wangusokapo pa chitengo chake ndi wanguzuwa munjilira wake, ndi wangudika chigudulu, ndipo wanguja mu vyoto.

Hoseya 7:14

Kuti ŵaliya kwaku ine ndi mtima wawo wose cha; kweni ŵatenje pa vita vyawo, ŵawunganirana chifukwa cha trigu ndi vinyo; ŵagaruka kwaku ine.

Yesaya 32:11

Tenthemani, mwa ŵanthukazi ŵakufwasa imwe, tenthemani, mwa ŵambura kughanaghanako kanthu; zuwani, mujijarike nkhuli, ndi vwarani vigudulu mu viunu vinu.

Jobu 2:12

Ndipo ŵanguti wamuwona patali kuti ŵangumziŵa cha, ŵangukwezga mazu ghawo ndi ŵanguliya; ŵanguparuwa minijirira yawo, ndi kuthibuwa fuvu kuchanya kuwiya pa mitu yawo.

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Ezra 9:3

Ndinguti ndavwa ichi ndinguparuwa chivwaru changu ndi munjirira wangu, ndi kukuchuwa sisi laku mutu ndi mwembe, ndipo ndinguja pasi wambura nthazi.

2 ŴaKaronga 19:1

Karonga Hezekiya wanguti wavwa makani yagha, wanguparuwa vivwalu vyake, wangujivwalika vigudulu, ndipo wangwachisere mu nyumba ya Ambuya.

1 ŴaKaronga 21:27

Ndipo penipo Ahabu wanguvwa mazu gho, wanguparuwa vyakuvwara vyake, wanguvwara chigudulu ndi wangufunga, ndi wangugona mu chigudulu, ndipo wangwendayenda ndi chitima.

2 Samuele 19:24

Sono Mefiboshete mwana waku Sauli wangusika kuzachikumana ndi karonga; wengavi kuvwara skapato, nanga nkhumeta mwembe wake nanga nkhusuka vivwaro vyake kutuliya pa zuŵa lo karonga wangurutiya mpaka pa zuŵa lo wanguwere mu chimangu.

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

Chituwa 33:6

Viyo ŵaYisraele ŵanguzuwa vyakujinozgeska vyawo, kwamba pa phiri Horebe kuya kuurongo.

1 Samuele 6:19

Kweni ŵana ŵaku Yekoniya kuti ŵangukondwere pamoza ndi ŵanyawo ŵamu Beteshemeshe cha pakuza kwa bokosi la Ambuya, ndipo angukoso ŵanthu machumi ghankhonde ndi ghaŵi (70). Ŵanthu ŵangutenje chifukwa Ambuya angukoso ŵanthu ŵanandi mukati mwawo,