Chituwa 33:11 - Tonga Bible 1986

¹¹ Viyo ndimo Ambuya arongoroliyanga ndi Mosese chisku ndi chisku, uli ndimo munthu warongorore ndi bwezi lake. Penipo Mosese wangusere so mu ugoŵi, muteŵeti wake Yoswa mwana munthurumi waku Nuni ndiyo munyamata, kuti wangutuwapo cha pa hema.

Chituwa 33:11 Referans Kwoze

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Marangu 34:10

Ndipo mulivi kuyukamo mchimi mu ŵaYisraele wakulingana ndi Mosese, mweniyo Ambuya anguziŵa chisku ndi chisku.

Chituwa 33:9

Mosese wati wasere mu hema mzati wa mtambo ungusika ndikuma pa khomo la hema, ndi Ambuya angukamba nayo Mosese.

Chituwa 24:13

Mosese wangusoka ndi mteŵeti wake Yoswa, ndipo Mosese wangukwere mu phiri laku Chiuta.

Marangu 5:4

Ambuya angukamba namwe pa maso mu phiri, mukati mu moto,

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Yakobe 2:23

ndipo linguzazika lembo lo lakuti, “Ndipo Abrahamu wanguvwana mwaku Chiuta, ndipo kungumpimikiya nge mburunji,” ndipo wangutamulika bwezi laku Chiuta.

Yohane 11:11

Vyenivi wangukamba: ndipo pavuli watiti kwaku wo, “Lazaro, bwezi lidu, wara tulo; sono ndiruta alinga kuti ndikamuyuske ku tulo.”

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

Jobu 16:21

kuti mphanyi waŵako yumoza wakuŵeya munthu kwaku Chiuta, nge ndimo munthu warombe mbali wake.

2 Mikoka 20:7

Kumbi kuti ndimwe cha Chiuta widu yo wakudikiska ŵeneko ŵacharu ichi paurongo pa ŵanthu ŵino ŵaYisraele, kuchipaska ku mphapu yaku Abrahamu bwezi linu muyaya?

Chituwa 32:17

Penipo Yoswa wanguvwa chiwawa cha ŵanthu ŵachikambura, wanguti kwaku Mosese, “Mwe chiwawa cha nkhondo mu ugoŵi.”

Chituwa 17:9

Ndipo Mosese wanguti kwaku Yoswa, “Utisankhiye ŵanthu, ndipo utuwe ukarwane ndi Amaleke; la mawa Ine ndamukuma pachanya pa kamtunthu ndi ndodo yaku Chiuta mu janja langu.”

Chituwa 33:10

Ndipo penipo ŵanthu wose ŵanguwona mzati wa mtambo kuma pa khomo la hema, ŵanthu wose ŵasokanga ndi kulambiya, munthu we yose pa khomo la hema lake.

Maŵerengedu 11:28

Ndipo Yoswa mwana waku Nuni, mteŵeti yo Mosese wangumusankha wangwamuka wanguti, “Mbuyangu Mosese, uŵakanizge.”

Maŵerengedu 12:7

Kweni mteŵeti wangu Mosese kuti we viyo cha; vyose vyangu vyemu manja ghake.

Marangu 31:14

Ndipo Ambuya anguti kwaku Mosese, “Ehe, mazuŵa ghaŵandika mwaku gho ufwiyenge, udane Yoswa ndipo muzijirongo mwija mu hema lakuwunganamo alinga kuti ndimupaske mazaza.” Ndipo Mosese ndi Yoswa ŵanguruta ndi ŵangujirongo ŵija mu hema lakuwunganamo.