Chituwa 32:9 - Tonga Bible 1986

⁹ Ndipo Ambuya anguti kwaku Mosese, “Ndawona wanthu yaŵa ndipo ehe, mbanthu ŵanonono mtima.

Chituwa 32:9 Referans Kwoze

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Marangu 9:13

“Ambuya angurutiliya kukamba nane, kuti, ‘Ndawona ŵanthu yaŵa, ndipo nadi mbanthu ŵanonono mtima,

Chituwa 34:9

Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Chituwa 33:5

Pakuti Ambuya anguti kwaku Mosese, “Kamba ku ŵaYisraele, ‘Mwe ŵanthu ŵanonono mtima; asani pa nyengo yimoza ndingaruta kwenda mukati mwinu mphanyi ndingamumalani. Iku sono zuwani vyakujitozga navyo, alinga ndiziŵe nchine ndingachita namwe.’ ”

Chituwa 33:3

Kweriyani ku charu chakutawala mukaka ndi uchi; kweni kuti ndikarutanga namwe cha mukati mwinu, vinu ndingakumalani mu nthowa, pakuti mwe ŵanthu ŵanonono mtima.”

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

Marangu 9:6

“Viyo ziŵani kuti Ambuya Chiuta winu wamupaskani charu ichi chamampha kuti muchironde, kuti nchifukwa cha urunji winu cha, pakuti ndimwe ŵanthu ŵanonono mtima.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Marangu 10:16

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Hoseya 6:10

Mu nyumba yaku Yisraele, ndawona chinthu chakuziziswa; ureŵi waku Efraimu ulimo, ndipo Yisraele wakazuzgika.

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

2 ŴaKaronga 17:14

Kweni kuti ŵangukhumba kuvwa cha, ŵenga ŵanonono, nge ndimo ŵanguŵiya auskeu, ŵeniwo ŵengave kuywana mu Ambuya Chiuta wawo.

Nehemiya 9:16

“Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;