Chituwa 32:7 - Tonga Bible 1986

⁷ Ndipo Ambuya anguti kwaku Mosese, “Sika, pakuti ŵanthu ŵako, wo ungutole kuno kutuwa mu charu cha Egipiti ŵajikazuzga.

Chituwa 32:7 Referans Kwoze

Chituwa 32:11

Kweni Mosese wanguŵeyere Ambuya Chiuta wake, ndi wanguti, “Ambuya mwe, chifukwa chine ukari winu ukole ndi kocha pa ŵanthu ŵinu, wo mukutole kuno kutuwa mu charu cha Egipiti ndi nthazi yikuru ndi janja lakulimba?

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Marangu 9:12

Viyo Ambuya anguti kwaku ine, ‘Yuka, sika ruŵi kutuwa pano pakuti ŵanthu ŵako wo waŵatuzga mu Egipiti ŵarakwa, ŵapatuka ruŵiruŵi kutuwa ku nthowa yo ndinguŵalanguliya, ŵajipangiya chikozgu chakusongono.’

Ŵeruzgi 2:19

Kweni penipo pose wangufwa mweruzgi yo, iwo ŵanguwere vuli, ŵangutimbanizga kujumpha pa auskeu kundondoloska ŵachiuta ŵanyake, kuŵatataliya, ndi kuŵalambiya; ŵengavi kutaya pasi nanga nchimoza cha vyakuchita vyawo pamwenga nthowa zawo zinonono.

Chituwa 19:24

Ndipo Ambuya anguti kwaku iyo, “Sika, ndipo ukakwere so kunu, ndi Aroni pamoza nawe; kweni ungazomerezga ŵazukuru ndi ŵanthu cha kuporota kuti ŵakwere ku Ambuya, vinu ŵangaŵarotoke.”

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

Marangu 4:16

muchenje vinu mangachimwa pakujichitiya chikozgu chakusema mukawonekedu ke kose. Pamwenga mu chikozgu cha munthurumi, pamwenga munthukazi;

Chituwa 33:1

Ambuya anguti kwaku Mosese, “Tuwanipo, kwerani kutuwapo pano iwe ndi ŵanthu wo watole kuno kutuwa mu charu cha Egipiti, kuya ku charu cho ndingupangana kwaku Abrahamu, Yisaki, ndi Yakobe kuti, ‘Ndikachipaskanga ku mphapu zinu.’

Chituwa 32:4

Ndipo wanguronda golide ku manja ghawo, ndipo wanguchita ndi chidya chakuzotole wangwenguwa, ndi wanguchita thole la ng'ombe. Ndipo wanguti, “Yaŵa ndiwo ŵachiuta ŵinu mwa ŵaYisraele, wo wangumutoliyani kuno kutuwa mu charu cha Egipiti.”

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Marangu 9:8

Ndipo pa Horebu mungukwiyiska Ambuya, viyo Ambuya angukaripa namwe ulaka nge angamupasuwani.

Sumu 78:36

Kweni mazu ghawo ghose wenga utesi wa waka; vyose vyo ŵangurongoro wenga utesi.

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

2 Mikoka 27:2

Ndipo wanguchita cho chenga chakurunjika pa maso gha Ambuya kwakuyana ndi vyose vyo wiske Uziya wanguchita, kweni kuti wangusere mu kasopi wa Ambuya cha. Kweni ŵanthu ŵangurutiriya mukuchita uheni.

Yesaya 1:4

Owe, khamu la kulakwa, ŵanthu ŵakuzazika uchikanamarangu, mphapu ya ŵakuchita uheni, ŵana ŵakuchita vya wiyu. Ŵajowo Ambuya, ŵayuyuwa Mtuŵa yo waku Yisraele, ŵasanduka ŵalendo.