Chituwa 32:34 - Tonga Bible 1986

³⁴ Kweni sono rutanga, kaŵarongozge ŵanthu ku malo gho ndikukunene; ndipo muthenga wangu wakakudanjiriyanga. Ndipuuli, mu zuŵa lo ndazamuchezga, ndazamutole uheni wawo paku wo.”

Chituwa 32:34 Referans Kwoze

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Chituwa 23:20

“Awonani, ndituma mungelo paurongo pinu kumusungani mu nthowa ndi kumutoleni ku malo gho ndalongoso.

Mateyu 23:35

viyo kuti ziziyenge paku imwe ndopa zose zirunji zakudikiya pa charu, kutuwa ku ndopa zo zaku Abelu murunji yo mpaka ku ndopa zaku Zekariya mwana waku Barakiya, yo mungukosore pakati pa kasopi ndi jochero.

Amosi 3:14

“kuti, pa zuŵa lenilo ndilangenge Yisraele chifukwa cha ulakwi wake, ndilangenge so majochero gha Betele, ndi masengwe gha majochero ghakadumulikanga, ndikuwa pasi.

Yeremiya 5:29

Kumbi kuti ndikaŵalanganga cha? Chifukwa cha vinthu ivi ndipo kuti ndikajitayiyanga thayu cha pa mtundu wakuŵa nge ndi uwu?”

Yeremiya 5:9

Kumbi kuti ndikaŵalanganga cha chifukwa cha machitidu yagha? atiti Ambuya; ndipo kuti ndikajichitiyanga thayu cha pa mtundu nge ndi uwu?

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 99:8

Ambuya Chiuta widu, munguŵamuka ŵanthu ŵinu; munguŵarongo iwo kuti imwe mwe Chiuta yo wagowoke, kweni munguŵalanga chifukwa cha mauheni ghawo.

Maŵerengedu 20:16

ndipo po tinguliriya ku Ambuya, iwo anguvwa nkhuta yidu, angutuma mathenga kutituzga mu Egipiti; sono ehe te munu mu Kadeshe, msumba wo wemu mphaka ya charu chinu.

Chituwa 33:2

Ndipo ndikatumanga muthenga paurongo pinu, ndipo ndikadikiskangamo ŵaKanani, ŵaAmori, ŵaHiti, ŵaPerizi, ŵaHivi, ndi ŵaYebusi.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Chituwa 15:17

Imwe mukaŵaserezganga ndi kuŵapanda pa phiri laku mwaŵeni malo gho mwaghachita kuŵa chakujamo chinu, Ambuya mwe, malo ghakupaturika gho manja ghinu ghajarika, Ambuya mwe.

Chituwa 33:12

Mosese wanguti ku Ambuya, “Awonani, mutiti kwaku ine, ‘Kwezga ŵanthu yaŵa’; kweni mulivi kundiziŵiska njani mweniyo mukanditumiyanga nane pamoza. Kweni mwakamba kuti, ‘Nditukuziŵa ndi zina, ndipo iwe so wasaniya wezi mu maso ghangu.’

Yeremiya 23:2

Chifukwa cho atiti viyo Ambuya, Chiuta waku Yisraele, pa ŵaliska wo ŵaphwere ŵanthu ŵangu: “Mwambininiska mskambu wangu, mwaŵadikiskiya kutali ndipo mulivi ku ŵatataliya. Ehe, ndimulangeninge chifukwa cha machitidu ghinu ghaheni, atiti Ambuya.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.