Chituwa 32:14 - Tonga Bible 1986

¹⁴ Ndipo Ambuya angung'anamukako ku uheni wo angughanaghana kuchita kuŵanthu ŵawo.

Chituwa 32:14 Referans Kwoze

Yona 3:10

Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

1 Mikoka 21:15

Chiuta wangutuma mungelo ku Yerusalemu kuwuparghang'a; kweni penipo wenga pafupi kuwuparghang'a Ambuya anguwona ndipo angugowoka pa uheni uwu; anguti ku mungelo wakuparghang'a, “Mbweno, gowozga janja lako sono.” Ndipo mungelo wa Ambuya wanguma pafupi pa mbuli waku Ornani mu Yebusi.

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

Marangu 32:26

Mphanyi ndingukamba kuti, “Ndikaparghang'iyanga kutali, ndikamaranga chikumbusku chawo mu ŵanthu.”

Chituwa 33:13

Sono chifukwa chenichi, nditukupemphani, asani ndasaniya wezi mu maso ghinu, ndilongoni nthowa zinu, alinga ndikuziŵeninge ndi kusaniya wezi mu maso ghinu. Ghanaghananipo so kuti khamu ili mbanthu ŵinu.”

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.

Chiyambo 6:6

Ndipo Ambuya ŵenga ndi chitima kuti anguchita munthu mu charu, ndipo chinguŵakalariska mu mtima wawo.

Maŵerengedu 14:20

Ndipo Ambuya anguti, “Ndagowoka, kwakuyana ndi mazu ghako;

Marangu 10:10

“Ndinguja mu phiri kwakulingana ndi nyengo yakudanga, mazuŵa machumi ghanayi (40) ndi mausiku machumi ghanayi (40) ndipo Ambuya angundivwa pa nyengo yiya napo viyo. Ambuya kuti akhumbanga kumupasuwani cha.

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Ŵeruzgi 2:18

Penipo pose Ambuya anguŵamikiya ŵeruzgi, Ambuya ŵenga pamoza ndi mweruzgi, ndipo anguŵapozomoska ku janja la ŵakupindikana ŵawo mu mazuwa ghose gha mweruzgi yo; pakuti Ambuya angukoreka chifundu pa mitamanthu yawo chifukwa cha ŵakuŵayuzga ndi kuŵasuzga.

Sumu 106:23

Ndi viyo Chiuta wanguti wakaparghang'anga ŵanthu ŵake; kweni Mosese, mteŵeti wake wakusankhika, wanguma pakati paku Chiuta ndi ŵanthu, kuwezga ukari wake ku kuŵananga.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.