Biblia Todo Logo
Bib sou entènèt

- Piblisite -




Chituwa 32:13 - Tonga Bible 1986

13 Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Gade chapit la Kopi




Chituwa 32:13
23 Referans Kwoze  

Chifukwa Chiuta, wachipangana ndi Abrahamu (penipo wengavi kuziŵa kumrapiya ndi muraku), wangurapa ndi yija, wakuti,


wanguti, “Ndajirapizga ndamwene, atiti Ambuya, chifukwa chakuti wachita ichi, ndipo ulivi kukaniliya mwana wako, mwanawako yumoza pe,


Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.


Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”


Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,


Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.


sono po ndipo nkhakumbukanga phanganu langu ndi Yakobe ndi phanganu langu ndi Yisaki ndi phanganu langu ndi Abrahamu, nkhakumbukanga charu cho.


mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”


Ndipo wanguti kwaku iyo, “Ndine Ambuya mweniyo wangukutuzga ku Uru wa ŵaKaldiya kuzachikupaska charu ichi kuchihara.”


Kumbukani ŵateŵeti ŵinu Abrahamu, Yisaki, ndi Yakobe. Mungalereskanga pa mtafu wa ŵanthu yaŵa pamwenga kwananga kwawo, pamwenga pa uheni wawo,


Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.


Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”


Ambuya, Chiuta wa kuchanya, mweniyo wangundito ine ku nyumba ya ada ndi ku charu cha kawi kangu, ndipo ndi mweniyo wangukamba nane ndi wangundilapiya, ‘Ku mphapu yako ndikapaskanga charu ichi,’ iyo wakatumanga mungelo wake paurongo pako, ndipo wakumutole munthukazi mwana wangu kwenikuwa.


Ndipo penipo Ambuya atikutoleni mu charu cha ŵaKanani, ŵaHiti, ŵaAmori, ŵaHivi, ndi ŵaYebusi cho angurapiya ku auskemwe kwachipaska imwe, charu chakutaŵala mukaka ndi uchi, mukasunganga uteŵeti uwu mu mwezi uwu.


“Ndipo penipo Ambuya akutoliyani mu charu cha ŵaKanani uli ndimo angurapiya kwaku imwe ndi ku auskemwe, ndipo akachipaskanga kwaku imwe,


Ambuya anguti kwaku Mosese, “Tuwanipo, kwerani kutuwapo pano iwe ndi ŵanthu wo watole kuno kutuwa mu charu cha Egipiti, kuya ku charu cho ndingupangana kwaku Abrahamu, Yisaki, ndi Yakobe kuti, ‘Ndikachipaskanga ku mphapu zinu.’


Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.


kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.


Swiv nou:

Piblisite


Piblisite