Chituwa 30:15 - Tonga Bible 1986

¹⁵ Musambasi kuti wakaperekanga kuruska po cha, ndipo musauchi kuti wakaperekanga ghamanako cha ku shekelo la nusu; muchipereka mpasku wa Ambuya kujichitiya mphepeska.

Chituwa 30:15 Referans Kwoze

Maŵerengedu 31:50

Ndipo tapinga mpasku wa Ambuya, vyo munthu ndi munthu wangusaniya, wa vya golide, vikono ndi makoza, mphete zamu manja, ndeŵeleŵi, ndi mkanda, kujipereke mphepeska yidu paurongo pa Ambuya.”

ŴaEfeso 6:9

Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

ŴaLevi 17:11

Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

Chituwa 30:12

“Uchiŵerenga unandi wa ŵaYisraele, penipo munthu we yose wakaperekanga thumba la kuwombokwa lapa mweneko ku Ambuya, alinga kuti muulevi kuŵa chideru mukati mwawo uchiŵaŵerenga.

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

Nthanthi 22:2

Musambasi ndi mukavu ŵakumana pamoza; Ambuya ndiwo Mlengi waku iwo wose.

2 Samuele 21:3

Davidi wangunena ndi ŵaGibeoni, “Ndimuchitiyeninginje ndipo ndingapepeska uli, mwakuti mutumbike ŵanthu ŵa Ambuya?”

Chituwa 30:14

We yose yo waŵerengeka watenere kuŵa wa virimika machumi ghaŵi ura wake, ndi kujumpha yapa, wakapaskanga mpasku wa Ambuya.

Chituwa 30:16

Ndipo mukarondanga ndrama za mphepeska ku ŵaYisraele ndipo mukazichitiyanga mlimu wa hema lakuwunganamo; alinga ziŵakumbuskenge ŵaYisraele paurongo pa Ambuya, kuti mujichitiyenge mphepeska.”

Chituwa 38:26

beka limoza pa munthu yumoza (ndiku kuti ndrama ya nusu, ndrama yaku hema lakupaturika), ya ŵanthu wose wo ŵangulembeka mu buku, kwamba wavirimika machumi ghaŵi pa ura wake kuya kunthazi, ndiwo ŵanthu ŵanthurumi vikwi machumi pe chumi ghankhonde ndi chimoza ndi vikwi vitatu, pachanya machumi pe chumi ghankhonde ndi machumi ghankhonde (603,550).

Ezekiele 45:16

Ŵanthu wose mu charu ŵakaperekanga mpasku uwu ku karonga mu Yisraele.