Chituwa 3:9 - Tonga Bible 1986

⁹ Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Chituwa 3:9 Referans Kwoze

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Chituwa 1:11

Viyo angumika nduna za ŵanchitu paku wo, ŵakuŵasuzga ndi mphingu zizitu. Ndipo ŵangumuzenge Farao mizi ya nyumba za mbiku, Pitomo ndi Ramsese.

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

Marangu 26:7

Sono tinguliriya ku Ambuya Chiuta wa auskefwe, ndipo Ambuya anguvwa mazu ghinu, ndi anguwona kusuzgika kwidu ndi kutakataka kwidu, ndi yuzgu lidu.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”

2 ŴaKaronga 13:4

Pavuli Jehoyahazi wangupenja Ambuya, ndipo Ambuya angumuvwa, pakuti anguwona suzgu yaku Yisraele, mo karonga wa Siriya waŵasuzgiyanga.

Chiyambo 31:12

Ndi wanguti, ‘Yunuska maso ghako ndi wona mbuzi zose zenizo zichilipuka pa viŵetu vyo za mudyeka, zamaŵanga, ndi zakuvurumutiya; pakuti ndawona vyose vyenivyo Labani wachita kwaku iwe.

Chituwa 1:8

Sono kunguwa karonga munyake wa Egipiti, yo wengavi kuziŵa Yosefe.

Chituwa 2:25

Ndipo Chiuta wanguwona ŵaYisraele, ndipo Chiuta wanguziŵa mo ŵanguŵiya.

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

Nehemiya 9:9

“Ndipo munguwona suzgu ya auskefwe mu Egipiti ndi kuvwa kuliya kwawo pa Nyanja Yiyera,

Sumu 9:14

mwakuti ndikonkhomenge marumbu ghinu ghose, ndi kuti mu malikomo gha mwana munthukazi wa Zioni, ndikondwenge mu utaski winu.