Chituwa 3:22 - Tonga Bible 1986

²² kweni munthukazi we yose, wakapemphanga mzengezgani wake, ndi mweniyo ngwakutandara mu nyumba yake, vyuma vya siliva ndi vya golide, ndi vyakuvwara, ndipo mukavivwarikanga ŵana ŵinu ŵanthurumi ndi ŵana ŵinu ŵanthukazi; viyo ndimo muŵaskowiyenge ŵaEgipiti.”

Chituwa 3:22 Referans Kwoze

Ezekiele 39:10

kuti ŵamuchita kudeŵa nkhuni ku dondo pamwenga kuteme muti pasi mulisuwa cha; chifukwa nkhuni za moto wawo ndi vidya, ŵakaskoŵanga vyaku wo ŵanguŵaskoŵa, ndi kuphanga vyaku wo ŵanguŵaphanga, atiti Ambuya Chiuta.

Sumu 105:37

Penipo angutuzga ŵaYisraele, ŵangupinga siliva ndi golide, ndipo wose ŵenga ŵa umoyo wamampha ndi ŵanthazi.

Chituwa 11:2

Sono kamba ku ŵanthu, kuti ŵapemphane munthurumi we yose ndi mzengezgani wake, munthukazi we yose ndi mzengezgani wake, vijewere vya siliva ndi vya golide”.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Nthanthi 13:22

Munthu wamampha wasiya chihara ku ŵazuku ŵake, kweni uromba wa muheni uwunjikikiya murunji.

Chiyambo 15:14

Kweni ndazamtole cheruzgu pa mtundu wo ŵakatataliyanga, ndipo pavuli ŵazamtuwamo ndi usambasi unandi.

Chiyambo 24:53

Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.