Chituwa 3:2 - Tonga Bible 1986

² Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Chituwa 3:2 Referans Kwoze

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Marko 12:26

Kweni nge nkhu ŵakufwa, kuti ŵayuskika, asi mwaŵerenga mu buku laku Mosese, pa chivwati cho, mo Chiuta wangumnene, kuti, ‘Ndine Chiuta waku Abrahamu, ndi Chiuta waku Yisaki, ndi Chiuta waku Yakobe’?

Marangu 33:16

ndi vyawezi vyakuruska vya charu chapasi ndi uzari wake, ndi mwaŵi wakuyo wajanga mu thundu. Mphanyi ivi vyose vyaza pa mutu waku Yosefe, ndi pa mphumphu yaku mutu waku yo ndi fumu mu ŵana ŵanyake.

Luka 20:37

Kweni kuti ŵakufwa wo ŵayuskika, Mosese nayo wangurongole, mu Chivwati, cho po watiti, Mbuya ndi Chiuta waku Abrahamu, ndi Chiuta waku Yisaki, ndi Chiuta waku Yakobe.

Sumu 66:12

Munguchitiska ŵanthu kukwera pa mitu yidu; tinguporota mu moto ndi mu maji; ndipo sono mwatitore ku malo gha kudekha.

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Chituwa 3:16

Ruta, ukaŵawunjike pamoza ŵaraŵara ŵa ŵaYisraele, ndipo ukaŵanene kuti, ‘Ambuya, Chiuta wa auskwemwe Chiuta waku Abrahamu, waku Yisaki, ndi waku Yakobe, wandiwoneke ine, wakati, “Ndakuwonani, ndi vyo vyachitikiya imwe mu Egipiti;

Danyele 3:27

Ndipo mafumu, ŵeruzgi ŵa vyaru, zinduna, madoda gha karonga pakuungana pamoza ŵanguwona kuti moto wengavi nthazi pa maliŵavu gha ŵanthu yaŵa; sisi lamu mitu yawo lengavi kuŵawuka, vyakuvwara vyawo navyo kuti vingufya cha ndipo nanga ndi sungu la chiŵawulizga cha moto ŵengavi.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

Chiyambo 21:17

Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali.

Chiyambo 22:11

Kweni mungelo waku Chiuta wangudanirizga kwaku iyo kuturiya kuchanya, ndi wanguti, “Abrahamu, Abrahamu!” Ndipo iyo wanguti, “Nde pano!”

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Chituwa 23:20

“Awonani, ndituma mungelo paurongo pinu kumusungani mu nthowa ndi kumutoleni ku malo gho ndalongoso.

Chituwa 24:17

Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

Ŵeruzgi 13:13

Ndipo mungelo wa Ambuya wanguti kwaku Manowa, “Mwaku vyose vyo ndingukamba ku munthukazi watenere kucheŵa.