Chituwa 3:12 - Tonga Bible 1986

¹² Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chituwa 3:12 Referans Kwoze

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Marangu 31:23

Ndipo Ambuya angupaska mazaza Yoswa mwana munthurumi waku Nuni. Anguti, “Uŵe gwa, ndi wachiganga cheneko, pakuti ukatolenga ŵana ŵaku Yisraele mu charu cho ndingurapiya kuŵapaska. Ine ndikaŵanga pamoza nawe.”

Chiyambo 31:3

Sono Ambuya anguti kwaku Yakobe, “Uwere ku charu cha ausu ndi ku ŵabali ŵako ndipo ine ndikaŵanga nawe.”

Chituwa 4:15

Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Chituwa 4:12

Viyo sono rutanga, ndipo ine ndikaŵanga ndi mlomo wako, ndi kukusambizga vyenivyo wamukamba.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Machitidu gha Ŵakutumika 11:21

Ndipo janja la Mbuya lenga nawo: ndipo ŵanandi limu ŵanguvwana ndi ŵangung'anamukiya ku Ambuya.

Marko 16:20

Kweni ŵenaŵa ŵangutuwa, ndipo ŵangumemeza kosekose, Ambuya iwo ŵakutataliya pamoza nawo, ndi ŵakukhozga mazu ndi visimikizgu vyakurondo. Ameni.]

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Sumu 86:17

Ndirongoni chisimikizgu cha umampha winu, Ambuya; mwakuti wose ŵakunditinkha ŵachiti soni, ŵachiwona kuti imwe mwandovya ndi kundisangaruska.

Yesaya 37:30

“Ndipo ichi chikaŵanga chisimikizgu kwako, Chirimika ichi urghe vyakujimere vija, ndipo mu chirimika cha chiŵi vyenivyo vikabukanga mwaku vyo; sono mu chirimika cha chitatu mu mije ndi kuvuna, pandani minda ya mphereska ndi rghani vipasi vyake.

Ŵeruzgi 7:11

mwamukuvwa vyo ŵakamba, ndipo pavuli pake manja ghako ghakaŵanga ndi chiganga kusikiyako kwachimikana ndi ugoŵi wo.” Sono wanguruta ndi Pura mteŵeti wake ku maulinda gha ŵakuskoma vidya vyankhondo wo ŵenga mu ugoŵi.

Ŵeruzgi 6:21

Sono mungelo wa Ambuya wangukwaska ndi songo ya ndodo yo yenga mu janja lake, wangujoko nyama ndi viŵande vya ufwa wambura mtupu; ndipo moto ungulipuka kutuwa mu jarawi lo ndi ungunyekeska nyama ndi viŵande vya ufwa wambura mtupu, ndipo mungelo wa Ambuya wangutuwako ku maso ghake.

Ŵeruzgi 6:17

Ndipo wanguti kwaku iyo, “Asani nadi ndasaniya wezi mwinu, iku ndirongoni chiziŵisku chakurongo kuti ndimwe murongoro ghane.

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Chiyambo 15:8

Kweni iyo wanguti, “Ambuya Chiuta, ndikaziŵanga uli ine kuti ndikachiharanga?”

Machitidu gha Ŵakutumika 7:7

‘Ndipo mtundu, kwaku wo ŵaŵenge ŵaŵanda, nderuzgenge ine,’ wanguti Chiuta, ‘ndipo pavuli paku vyenivi ŵakatuwangamo, ndipo ŵakateŵetiyanga ine mu malo ghenighano.’

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

Chituwa 3:13

Sono Mosese wanguti kwaku Chiuta, “Asani ndaruta ku ŵaYisraele ndikuŵanene kuti, ‘Chiuta wa auskemwe wandituma ine kwaku imwe,’ ndipo ŵachindifumba kuti, ‘Zina lake njani?’ Ndamukuti uli kwaku wo?”

Chituwa 18:5

Ndipo Yetero, msibweni waku Mosese, wanguza ndi ŵana ŵake ŵanthurumi ndi muwoli wake kwaku Mosese mu bozwa penipo ŵangugoŵa pa phiri laku Chiuta.

Chituwa 33:14

Ndipo iwo anguti, “Ndikarutanga nawe ndipo ndikakupumuzganga.”

Maŵerengedu 16:28

Mosese, wanguti, “Paku ichi ndipo mukaziŵiyanga kuti Ambuya andituma ine kuchita milimu iyi kuti ndi khumbu laku ndija cha.

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Ŵeruzgi 6:16

Ambuya anguti “Ine ndikaŵanga pamoza nawe, ukakosonga ŵaMidiyani ulaka ukoso munthu yumoza.”

2 ŴaKaronga 19:29

“Ndipo ichi chikaŵanga chisimikizgu kwaku iwe: chirimika chino mukarghanga vyo vime vija, mu chirimika cha chiŵi vyenivyo vibuka pasi mwenimo, kweni muchifimika cha chitatu mupandenge, ndi kuvuna, mupandenge munda ya mphereska, ndi kurgha vipasi vyake.

Yeremiya 1:8

Ungopanga iwo cha, pakuti nde nawe kukutaska iwe,” atiti Ambuya.

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chituwa 8:27

Titenere kuruta lwendo la mazuŵa ghatatu mu bozwa ndi kupereka sembe ku Ambuya Chiuta widu nge ndimo watilanguliyenge.”

Ŵeruzgi 6:12

Ndipo mungelo wa Ambuya wangumuwoneke ndi wanguti kwaku iyo, “Wa munthu wanthazi ndi wakukhwima mtima Ambuya ŵe nawe.”

1 Samuele 14:10

Kweni asani ŵamukuti, ‘Zaninga kuno kwudu,’ mbwenu tamuruta; chifukwa Ambuya aŵapereka mu janja lidu. Ndipo ichi chikaŵanga chisimikizgu kwaku ifwe.”

1 Mikoka 9:20

Ndipo Finihasi mwana waku Eleazara ndiyo pa nyengo yakudanga wenga wakuŵalanguliya, Ambuya anguwa nayo.