Chituwa 3:11 - Tonga Bible 1986

¹¹ Kweni Mosese wanguti kwaku Chiuta, “Ndine yani ine kuti ndingaya kwaku Farao ndi kuŵatuzga ŵana ŵaku Yisraele mu charu cha Egipiti?”

Chituwa 3:11 Referans Kwoze

1 Samuele 18:18

Davidi wanguti, “Ndine yani ine, ŵabali ŵangu mbayani, mbumba ya ada mu Yisraele, kuti ndiŵe mkosano wa karonga?”

2 ŴaKorinte 3:5

Kuti ndikamba cha kuti te ŵakukwaniya mwaku taŵeni, kujipimiya nge tendi kanthu kakutuliya pa mtima waku taŵeni, kweni kukwaniriskika kwidu nkhwakutuliya kwaku Chiuta,

Chituwa 6:12

Kweni Mosese wanguti ku Ambuya, “Awonani, ŵaYisraele kuti ŵatinditegherezga cha, na Farao wanditegherezgenge uli, ine nde munthu wa milomo yambura kuchinjika?”

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

2 ŴaKorinte 2:16

kwaku yaŵa fungu la nyifwa ku nyifwa; ku ŵanyake wo fungu la umoyo ku umoyo. Ndipo wakukwaniya vyenivyo njani?

1 ŴaKaronga 3:9

Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

1 ŴaKaronga 3:7

Ndipo sono, Ambuya Chiuta wangu, mwamuchita muŵanda winu kuŵa karonga mu malo ghaku Davidi ada, chingana nde mwana mumana; kuti ndiziŵa cha pakutuwa ndi pakusere.

2 Samuele 7:18

Sono karonga Davidi wangusere mukati ndi kuja pa maso pa Ambuya, wanguti, “Ndine yani ine, A, Ambuya Chiuta, ndipo nyumba yangu nkhanthu uli, kuti mwandifikiska ine pano?

Ŵeruzgi 6:15

Ndipo wanguti kwaku iyo, “Ndipempha, Ambuya, ndingamutaska uli Yisraele? Ehe, fuku langu ndilo lakumaliya mwaku Manase, ndipo ine nde wakumaliya mu mbumba yangu.”

1 Mikoka 29:14

“Kweni kumbi ine ndini yani, ndi ŵanthu ŵangu mbayani kuti tipaske kwawanangwa viyo? Chifukwa vyose vituliya kwinu, tikupaskeni vyakutuliya mu janja linu.