Chituwa 3:10 - Tonga Bible 1986

¹⁰ Zanga ndikakutumanga kwaku Farao kuti ukatuzge ŵanthu ŵangu, ŵana ŵaku Yisraele, mu charu cha Egipiti.”

Chituwa 3:10 Referans Kwoze

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Sumu 105:26

Ndipo angutuma mteŵeti wawo Mosese, ndi Aroni, wo angusankha.

1 Samuele 12:6

Samuele wanguti, “Ambuya ndi kaboni, yo wangusankha Mosese ndi Aroni yo wangutuzga auskemwe mu charu cha Egipiti.

Machitidu gha Ŵakutumika 7:34

Kuwona, ndawonadi usokwa wa khamu langu mu Egipiti, ndipo ndauvwa mtamanthu wawo ndipo ndasika kwachiŵataska: ndipo sono zanga, ndikutumenge ku Egipiti.’

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Machitidu gha Ŵakutumika 7:6

Wenga wandaŵe iyo ndi mwana, kweni Chiuta wangukamba viyo, kuti mbeu yake yikaŵanga yakutandara mu charu chaŵeni, ndipo kuti ŵayisanduskenge yiŵanda ndi kuyichitiya uheni, virimika machumi pe chumi ghanayi (400).

Machitidu gha Ŵakutumika 7:7

‘Ndipo mtundu, kwaku wo ŵaŵenge ŵaŵanda, nderuzgenge ine,’ wanguti Chiuta, ‘ndipo pavuli paku vyenivi ŵakatuwangamo, ndipo ŵakateŵetiyanga ine mu malo ghenighano.’

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 15:14

Kweni ndazamtole cheruzgu pa mtundu wo ŵakatataliyanga, ndipo pavuli ŵazamtuwamo ndi usambasi unandi.

Chituwa 6:26

Yaŵa ndiwo Aroni ndi Mosese kwaku wo Ambuya anguti: “Tuzgani mtundu waku Yisraele mu charu cha Egipiti mu maŵanja ghawo.”

Chituwa 12:40

Nyengo yo ŵaYisraele ŵangujariya mu Egipiti yenga virimika machumi pechumi ghanayi ndi machumi ghatatu (430).

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Chituwa 33:12

Mosese wanguti ku Ambuya, “Awonani, mutiti kwaku ine, ‘Kwezga ŵanthu yaŵa’; kweni mulivi kundiziŵiska njani mweniyo mukanditumiyanga nane pamoza. Kweni mwakamba kuti, ‘Nditukuziŵa ndi zina, ndipo iwe so wasaniya wezi mu maso ghangu.’

Chituwa 33:13

Sono chifukwa chenichi, nditukupemphani, asani ndasaniya wezi mu maso ghinu, ndilongoni nthowa zinu, alinga ndikuziŵeninge ndi kusaniya wezi mu maso ghinu. Ghanaghananipo so kuti khamu ili mbanthu ŵinu.”

1 Samuele 12:8

Po Yakobe wanguya ku Egipiti, ŵaEgipiti ŵanguŵakandirizga, ndipo auskemwe ŵanguliriya ku Ambuya, Ambuya angutuma Mosese ndi Aroni wo ŵangutuzga auskemwe mu Egipiti, kwaziŵajarika mu malo yagha.

Ŵeruzgi 6:14

Ndipo Ambuya angung'anamukiya kwake, anguti, “Ruta mu kulimba uku ukapozomoske Yisraele ku janja laku Midiyani; Ndine nditukutuma.”