Chituwa 29:10 - Tonga Bible 1986

¹⁰ “Pavuli mukatolenga nkhuzi yo paurongo pa hema lakuwunganamo Aroni ndi ŵana ŵake ŵanthurumi ŵakaŵikanga manja ghawo pa mutu wa nkhuzi yo,

Chituwa 29:10 Referans Kwoze

ŴaLevi 8:14

Pavuli wanguza ndi nkhuzi ya mpasku wapa ulakwi; ndipo Aroni ndi ŵana ŵake ŵanguŵika manja ghawo pa mutu wa nkhuzi ya mpasku wapa ulakwi.

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

Chituwa 29:19

“Mukatonga bira yo munyake; ndipo Aroni ndi ŵana ŵake ŵanthurumi ŵakaŵikanga manja ghawo pa mutu wa bira yo.

Chituwa 29:15

“Sono mukatonga yumoza wa ŵabira wo, ndipo Aroni ndi ŵana ŵake ŵanthurumi ŵakaŵikanga manja ghawo pa mutu wa bira yo.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

ŴaLevi 16:21

Aroni wakaŵikanga manja ghake ghaŵi viyo pa mutu wa mbuzi yamoyo ndi kusumuliyapo paku yo mauheni ghose gha ŵaYisraele, majumphu ghawo ghose, ndi maulakwi ghawo ghose; ndipo wakaviyirikanga pa mutu wambuzi yo wakayidikiskiyanga kubozwa pa janja la munthu munyake yo warindizga penipo.

ŴaLevi 8:18

Sono wangupereka bira wa mpasku wakocha, ndipo Aroni ndi ŵana ŵake ŵanguŵika manja ghawo pa mutu wabira.

ŴaLevi 3:2

Ndipo wakaŵikanga janja lake pa mutu wa chakuperekeka chake ndi kuyibayiya pa khomo la hema lakuwunganamo, ndipo ŵana ŵaku Aroni ŵazukuru ŵakadiranga ndopa ku jochero kwakuzunguliya.

Chituwa 29:11

ndipo mukabayanga nkhuzi yo paurongo pa Ambuya, pa khomo la hema lakuwunganamo.

Maŵerengedu 8:12

Ndipo ŵaLevi ŵakaŵikanga manja ghawo pa mutu ya nkhuzi zo, sono ukaperekanga yimoza kuŵa mpasku wapa ulakwi ndi yinyake kuŵa mpasku wakocha ku Ambuya, kupepeske ŵaLevi.

Ezekiele 43:23

Asani wamara kuliphoto, ukaperekanga nkhuzi yambura kalema ndi bira wamu miskambu wambura kalema.

ŴaLevi 4:4

Wakazanga ndi kankhuzi ku khomo la hema lakuwunganamo paurongo pa Ambuya, ndi kuŵika janja lake pa mutu wa kankhuzi ko, ndi kukabaya paurongo pa Ambuya.