Chituwa 28:2 - Tonga Bible 1986

² Ndipo ukasonanga maraya ghakupaturika ghaku Aroni mwana munyako, ghakuzirwa ndi ghamampha.

Chituwa 28:2 Referans Kwoze

ŴaLevi 8:30

Pavuli Mosese wanguto ghanyake gha mafuta ghakupakiya ndi zinyake za ndopa zo zenga pa jochero, wanguwazgiya paku Aroni ndi pa vivwalo vyake, ndi pa ŵana ndi vivwalo vyawo, viyo wangupatuwa Aroni ndi vivwalo vyake pamoza ndi ŵana ŵake, ndi vivwalo vyawo.

Chituwa 31:10

vivwalo vyakuchitika kwa manyanda, vivwalo vyakupaturika vyaku Aroni mzukuru yo ndi vivwalo vya ŵana ŵake ŵanthurumi penipo ŵateŵeta nge mbazukuru,

Chivumbuzi 19:8

Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

Jobu 40:10

“Ujitoweske sono ndi ukuru wako ndiso ulemu wako, ujivwarike unkhankhu ndi utozi.

Chituwa 28:40

“Ndipo vya ŵana ŵanthurumi ŵaku Aroni mukachitanga makhoti ndi vimangilo ndi makapusi; mukavichitiyanga kuŵa vya ulemu ndi vyakunozga.

Chivumbuzi 5:10

ndipo mwaŵazgora Chiuta widu ŵaŵe ufumu ndi uzukuru; ndipo ŵakausanga panupasi.”

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

2 Petro 1:17

Chifukwa kwaku Chiuta Dada wanguronde thamu ndi unkhankhu, penipo kutuliya ku unkhankhu wo wakuzungura ghangumziya mazu ghakuti, “Mwenuyu ndi Mwana wangu wakwanjiwa, mwaku mweniyo ndikondwere ine.”

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

ŴaGalatia 3:27

Pakuti mose mwaŵakubatizikiya mwaku Kristu, munguvwa Kristu.

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yesaya 4:2

Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Sumu 132:16

Ŵazukuru ŵake ndikaŵavwarikanga utaski, ndipo ŵanthu ŵake ŵakambanga ndi kukambura kwa chimwemwe.

Sumu 132:9

Ŵazukuru ŵinu ŵataule kuti mutaska ŵanthu ŵinu, ŵatuŵa ŵinu ŵakabure ndi kukondwa!

Sumu 96:6

Unkhankhu ndi ukaronga vitimukuka; nthazi ndi kutowa vyemu malo ghake ghakupaturika.

Chituwa 40:13

ndi mukavwarikanga Aroni vivwalo vyakupaturika ndipo mukamupakanga ndi kumupatuwa, alinga kuti wanditeŵete nge ndi mzukuru.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Chituwa 29:28

Chikaŵanga chamuyaya kutuwa ku ŵaYisraele chaku Aroni ndi ŵana ŵake ŵanthurumi; pakuti cho ncha ŵazukuru, chakusaskika ndi ŵaYisraele kutuwa ku mpasku wawo wachimangu: ndi mpasku wawo ku Ambuya.