Chituwa 28:15 - Tonga Bible 1986

¹⁵ “Ndipo ukachitanga chapachifuŵa cha cheruzgu chakuchitika uli ndi lusu la misiri; nchitu yake yikozgane ndi nchitu ya efodo, ungachichitiyanga cha saru ya golide, bulu, yakufyuŵara, yiyera, ndi saru yakuwolofoka yakupika.

Chituwa 28:15 Referans Kwoze

ŴaLevi 8:8

Wanguŵika paku yo cha pachifuŵa ndipo pa cha pa chifuŵa wanguŵikapo Urimi ndi Tumimi.

Chituwa 28:30

Ndipo mu chapachifuŵa cha cheruzgu mukaŵikangamo Urimi ndi Tumimi, ndipo vikaŵanga pa mtima waku Aroni wachisere paurongo pa Ambuya; viyo Aroni wakanyanuwanga cheruzgu cha ŵaYisraele pa mtima wake paurongo pa Ambuya kwakukiyakiya.

Chituwa 28:6

Ndipo ŵakchitange efodo ya saru ya golide, ya bulu, yakufyuŵara, yiyera, ndi yakuwolofoka yakupika ndi lusu.

Chituwa 28:4

Maraya gho ŵasonenge ndi yagha: chapachifuŵa, efodo, munjirira, ndi khoto lakupikapika, ndi mwakundu ndi lamba; ŵakasonanga maraya ghakupaturika ghaku Aroni, mwana munyako ndi ŵana ŵake ŵanthurumi kuŵa ŵazukuru ŵakunditataliya.

Chituwa 26:1

“Ndipo so mukachitanga chihema chakuwunganamo ndi saru zakuchinga chumi za saru yakuwolofoka, za bulu ndi ziyera, ndi zakufyuŵara; pamoza ndi ŵakerubi ŵakuchitika ndi lusu; ndimo muchitiyenge.

Chituwa 25:7

mya yakuurungika umampha ndi mya yakuyalika ya raya la chizukuru ndi ya chakuvwara cha pachifuŵa.

Chituwa 28:14

ndi maunyoro ghaŵi gha golide leneko ghakupikika uli ndi vingwe, ndipo ukamanganga unyoro akupika ku vyakuŵikamo.

Chituwa 28:16

Chikaŵanga chakuyana visongo ndi cha kaŵi, mukhanju utali wake ndi mukhanju usani wake.

Chituwa 29:5

Ndipo mukatonga vyakuvwara ndi mukavwarikanga Aroni khoti ndi munjirira wa efodo, ndi efodo, ndi chapachifuŵa ndi kumumanga ndi lamba lakuwombeka, kwakuyana ndi lusu la efodo;

Chituwa 26:36

“Ndipo mukachitanga chakuchinga cha khomo la hema, cha bulu, chakufyuŵara, ndi chiyera, ndi saru yakuwolofoka yakupika, yakuzgangika ndi kusona kwa zingani.