Chituwa 27:21 - Tonga Bible 1986

²¹ Mu chihema chakuwunganamo ku bwalo kwa chivwinkhu chenicho che paurongo pa phanganu, Aroni ndi ŵana ŵake ŵanthurumi ŵatakatake ndicho, kwamba ndi mazulo mpaka mlenji paurongo pa Ambuya. Likaŵanga lamulu lakulembeka muyayo kulikoleze mu migonezi yawo ŵaYisraele.

Chituwa 27:21 Referans Kwoze

Maŵerengedu 19:21

Ndipo likaŵaŵiyanga langulu la muyaya. Yo wawazga maji ghakuphotole wakachapanga vivwalo vyake; ndipo wakukwaska maji ghakuphotole wakaŵanga wakunguzgika mpaka mazulo.

Maŵerengedu 18:23

Kweni ŵaLevi ndiwo ŵakachitanga milimu yamu hema lakuwunganamo, ndipo ŵakanyamuwanga maulakwi ghawo; ili likaŵanga langulu lambura kumara mu migonezi yinu yose; mukati mu ŵaYisraele kuti ŵakaŵangamo ndi chihara cha.

2 Mikoka 13:11

Ŵatumoche Chiuta sembe zakocha ndi vyachema vyamampha mlenji wose ndi mazulo ghose ndipo chikoleru nyali cha golide ndi nyali zake ŵatizilongo kuti zikolenge mazulo ghose; chifukwa ifwe tisungirizga chilangulu chaku Chiuta widu kweni imwe mwamjowo.

1 Samuele 3:3

nyali yaku Chiuta yenga yindazimwe, Samuele wagonanga pasi mukati mu nyumba yakupaturika ya Ambuya, pafupi ndi bokosi la phanganu laku Chiuta.

ŴaLevi 16:34

Ili likaŵanga langulu la muyaya kwaku imwe, kuti mphepeska yichitikiyenge pa ŵaYisraele chifukwa cha maulakwi ghawo ghose kamoza mu chirimika.” Ndipo Mosese wanguchita nge ndimo Ambuya angumulanguliya.

ŴaLevi 3:17

Ili likaŵanga dangu la muyaya mu migonezi yinu yose, mu malo ghinu ghose ghakujamo, lakuti mureke kurgha mafuta chingana ndi ndopa.”

Chituwa 30:8

ndipo penipo Aroni wachilongoso ndi mazulo, wakayochanga sembe yakujaliriya paurongo pa Ambuya mu migonezi yinu.

2 Petro 1:19

Ndipo te nalo nenedu lo la umchimi lakukhozgeka: kwaku lenilo mutenere kuphwere, uli nkhu lumbuni lakuŵaliya mu malo ghamunkhorwi, mpaka lichenge zuŵa, ndi thondu lituwenge mu mitima yinu.

Yohane 5:35

Yuwa wenga lumbuni lakukole ndi lakuŵala; ndipo imwe mungukhumba kusangaruskika kwa kanyengo mu ukweru wake.

1 Samuele 30:25

Ndipo kutuliya pa zuŵa liya mpaka kuurongo wanguliŵika, kuŵa cheruzgu ndi dangu mu ŵaYisraele mpaka ku zuŵa linu.

Chituwa 28:43

ndipo ŵakavwaranga Aroni ndi ŵana ŵake ŵanthurumi, ŵachamusere mu hema lakuwunganamo pamwenga ŵachiza kufupi ku jochero la sembe kwachiteŵeta malo ghakupaturika; vinu ŵangajitole ulakwi pa ŵeneko ndi ŵangafwa. Ili likaŵanga dangu lakulembeka lambura kumara paku iyo ndi pa mphapu zake pavuli paku iyo.

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Luka 12:35

“Viunu vinu viŵe vyakuchinyirika, ndi nyali zinu zakukole;

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Sumu 134:1

Zaninga, rumbani Ambuya, mose mwa ŵateŵeti ŵawo, mose imwe mutuma mu nyumba ya Ambuya ndi usiku!

Maŵerengedu 8:9

Ukamikanga ŵaLevi paurongo pa hema lakuwunganamo, ndipo ukawungang'anga mpingo wose wa ŵaYisraele.

ŴaLevi 24:9

Ivi vikaŵanga vyaku Aroni ndi ŵana ŵake, ndipo ŵakavirghiyanga mu malo ghakupaturika, pakuti kwaku iyo, nchigaŵa chakupaturika, kutuwa pa vyakupereka vyapa moto ku Ambuya. Ili ndi phanganu la muyaya.”

ŴaLevi 24:3

Kubwalo ku chivwinkhu chakuchinga cha chisimikizgu, mu hema lakuwunganamo, Aroni wakayipwerenga umampha paurongo pa Ambuya kutuwa mazulo mpaka mlenji kwambura kureka. Likaŵanga langulu muyaya mu migonezi yinu yose.

ŴaLevi 3:8

pakuŵika janja lake pa mutu wa nyama yo ndi kuyibayiya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya.

Chituwa 40:3

Ndipo mukaŵikangamo bokosi la ukaboni, ndipo mukachinganga bokosi ndi chivwinkhu.

Chituwa 30:36

Ndipo usiri vinyake kuŵa vimana ukongwa, ndipo vinyake vyaku vyo uŵike paurongo pa phanganu mu hema lakuwunganamo mwenimo ndikakumananga namwe; vikaŵanga kwinu vyakupaturika ukongwa.

Chituwa 29:44

Ndikapatuwanga hema lakuwunganamo ndi jochero la sembe Aroni nayo ndi ŵana ŵake ŵanthurumi ndikaŵapatuwanga kuŵa ŵazukuru ŵakunditeŵete.

Chituwa 29:42

Ukaŵanga mpasku wapa moto kwakukiyakiya mu migonezi yinu yose pa khomo la hema lakuwunganamo paurongo pa Ambuya, mwenimo ndikakumananga namwe, kwachikamba namwe mwenimuwa.

Chituwa 29:28

Chikaŵanga chamuyaya kutuwa ku ŵaYisraele chaku Aroni ndi ŵana ŵake ŵanthurumi; pakuti cho ncha ŵazukuru, chakusaskika ndi ŵaYisraele kutuwa ku mpasku wawo wachimangu: ndi mpasku wawo ku Ambuya.

Chituwa 25:16

Ndipo mukaŵikanga mu bokosi mabuku gha phanganu gho ndikakupaskaninga.

Chituwa 16:34

Uli ndimo Ambuya angulanguliya Mosese, viyo Aroni wangumujalika paurongo pa mwa wo wa marangu kuti chisungike.

Chiyambo 1:8

Ndipo Chiuta wangudana mtambo, kuchanya. Ndipo kwenga mazulo, ndi kwenga mlenji, zuŵa lachiŵi.

Chiyambo 1:5

Chiuta wangudana ukweru, msana ndi mdima wangudana, usiku. Ndipo kwenga mazulo ndi kwenga mlenji, zuŵa limoza.

ŴaLevi 24:2

“Langula ŵaYisraele kutole kwako mafuta gha Olive gho ghakukozge nyali, alinga kuti nyali yikolenge kwakukiyakiya kwambura kuzimwa.

Maŵerengedu 18:5

Muphwerenge milimu yamu malo ghakupaturika ndi milimu yapa jochero, alinga kuti pareke kuwiya so ukari pa ŵaYisraele.

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

Chituwa 30:21

Ŵakasambanga ndi manja ghawo ndi marundi ghawo, vinu ŵangafwa: likaŵanga dangu lakulembeka muyaya kwaku wo, kwaku iyo so ndi ku mphapu zake mu migonezi yawo yose.”

ŴaLevi 6:15

Ndipo yumoza wakatongako ufwa wamampha kuzaza janja ku mpasku wa ufwa, ndi mafuta ghake ndi vyachema vyose vyo vye pa mpasku wa ufwa, kocha uwu nge nchiŵalu cha chikumbusku chake pa jochero, fungu lakukondweska Ambuya.

ŴaLevi 7:36

Ambuya angulangula kuti ŵaYisraele ŵaŵapaske ichi, pa zuŵa lenilo ŵangupakikiya. Nchakuŵenere muyaya, mu migonezi yawo yose.”

ŴaLevi 10:9

“Ungamwanga vinyo pamwenga chakuloŵereska cha, iwe chingana mbana ŵako pamoza nawe, muchiruta mu hema lakuwunganamo, vinu mungafwa; likaŵanga langulu muyaya mu migonezi yinu yose.

ŴaLevi 17:7

Viyo kuti ŵakabayiyanga so sembe zawo ku vikozgu cha, kwaku vyo ŵagarukiyako. Ili likaŵanga langulu muyaya kwaku wo mu migonezi yawo yose.

ŴaLevi 23:14

Kuti mukarghanga chiŵande nanga ndi mbuto zakumizga pamwenga ziŵisi cha, mpaka zuŵa lenili, mpaka penipo mwaza ndi sembe yaku Chiuta winu: Ili ndi langulu muyaya mu migonezi yose mu malo ghinu ghakujamo.

ŴaLevi 23:21

Ndipo zuŵa lenilo mukamemezanga ungano wakupaturika; kuti mukachitanga nchitu yanthazi cha. Ili ndilangulu muyaya mu malo ghinu ghakujamo mu migonezi yinu yose.

Maŵerengedu 35:29

“Ndipo vinthu yivi vikawanga dangu ndi cheruzgu kwaku imwe, mu migonezi yinu yose, mu kuja kwinu kose.