Chituwa 27:16 - Tonga Bible 1986

¹⁶ Pakaŵanga chakuchinga cha chipata cha mikono machumi ghaŵi cha saru ya bulu, ndi yakufyuŵara, ndi yiyera, yakuwolofoka yakupika mu mukano, yakusoneka ndi zingani: yikaŵanga ndi mizati yinayi, ndi pamoza nayo yikaŵanga ndi mphazimba zinayi.

Chituwa 27:16 Referans Kwoze

Chituwa 26:36

“Ndipo mukachitanga chakuchinga cha khomo la hema, cha bulu, chakufyuŵara, ndi chiyera, ndi saru yakuwolofoka yakupika, yakuzgangika ndi kusona kwa zingani.

Sumu 45:14

mu vyakuvwara vya kujeduka warongozgeke ku karonga, pamoza ndi ŵamwali ŵake, ŵakwachimulinda.

Ŵeruzgi 5:30

‘Ndiku kuti wasaniya miskowo sono ŵagaŵana? Mwali yumoza pamwenga ŵaŵi ku munthurumi we yose; miskowo ya vinthu vyakuzganga njaku Sisera, miskowo ya vinthu vyakuzganga, vyakuzgangika viŵi vya maŵangamaŵanga vyakudyoŵe khosi la wakupunda.’

Chituwa 39:29

Ndi lamba wa saru yakuwolofoka yamampha ndi yakupika ndi saru ya bulu, ndi yakufyuŵara, ndi yiyera, yakusoneka kwakunozga ndi zingani; uli ndimo Ambuya angulanguliya Mosese.

Chituwa 36:37

Wanguchita so chakuchinga cha pa khomo la hema cha saru ya bulu, ndi yakufyuŵara, ndi yiyera, ndi saru yakuwolofoka yakupika yakunozgeka mu mphepete ndi kusona ndi zingani;

Chituwa 28:39

“Ndipo mukasonanga khoti kwarwana la saru yakuwolofoka, ndipo mukachitanga mwakundu wa saru yakuwolofoka, ndipo mukachitanga chakumangiya chakutarazika ndi zingani.

Chituwa 26:31

“Ndipo mukachitanga chivwinkhu cha saru ya bulu ndi yakuti fyu yiyera ndi yakuwolofoka yakupika, yakuchitika ndi lusu pamoza ndi ŵakerubi.

Chituwa 27:15

Kudera linyake vyakuchinga vikaŵanga mikono chumi ndi yinkhonde, kuŵe ndi mizati yitatu ndi mphazimba zitatu.

Chituwa 27:17

Mizati yose kwakuzunguliya bwalo lo yiŵenge ndi vimangiro vya siliva; mbeja zake zikaŵanga za siliva, ndi mphazimba zake za mkuŵa.

Maŵerengedu 3:26

saru zakuchinga za luluwa ndi yakuchinga pa khomo la luluwa lo lizingilizga chihema chakuwungamamo ndi jochero la sembe, ndi vingwe vyake; ndi nchitu zose sakusungiya ivi.