Chituwa 27:1 - Tonga Bible 1986

¹ “Mukachitanga jochero la sembe la muti wa mlombwa; mu utali mikono yinkhonde ndi usani mikono yinkhonde. Jochero la sembe likaŵanga lakuyana, ndipo msinkhu wake ukaŵanga mikono yitatu.

Chituwa 27:1 Referans Kwoze

ŴaHebere 13:10

Te nacho chisoperu, paku chenicho ŵalive mtufu kurghapo ŵeniwo ŵachiteŵete chihema.

2 Mikoka 4:1

Ndipo wanguchita jochero la mkuŵa, utali wake wenga mikono machumi ghaŵi, ndi usani wake wenga mikono machumi ghaŵi ndi msinkhu wake wenga mikono chumi.

2 Samuele 24:18

Ndipo zuŵa liya Gadi wanguza kwaku Davidi, wanguti, “Kwerani mukazenge jochero la sembe Ambuya pa mbuli waku Arauna muYebusi.”

Chituwa 40:29

Ndipo wanguŵika jochero la sembe yakocha pa khomo la hema lakupaturika lamu hema lakuwunganamo ndi wangusaska pakulo sembe yakocha ndi sembe ya ufwa; uli ndimo Ambuya angulanguliya Mosese.

Chituwa 40:10

Mukapakanga so guŵa la sembe yakocha ndi viyaŵi vyake, ndi kupatuwa chiguŵa cha sembe, ndipo jochero la sembe liŵenge lakupaturika kwakuruska.

Chituwa 24:4

Ndipo Mosese wanguremba mazu ghose gha Ambuya. Ndipo wangusoka ndi mlenjilenji, ndi wanguzenga jochero la sembe pa sina pa phiri ndi mizati chumi ndi yiŵi, kwakulingana ndi mitundu chumi ndi yiŵi ya ŵaYisraele.

Chituwa 35:16

Jochero la sembe yakocha, ndi malo ghake gha moto gha mkuŵa, vyakupingiya vyake, ndi viyaŵi vyake vyose, chakusambiyamo ndi chiŵanja chake;

Maŵerengedu 3:31

Ndipo mlimu wawo ukaŵanga wakutufuliya bokosi la phanganu, gome, chikole-nyali, majochero gha sembe, ndi viyaŵi vyamu malo ghakupaturika vyenivyo ŵazukuru ŵatakataka navyo ndi saru yakuchinga; ndi nchitu zose zakusungiya iri.

Maŵerengedu 4:13

Ŵakatuzgangapo choto pa jochero la sembe, ndi kutandikapo saru yiyera;

2 ŴaKaronga 16:14

Ndipo jochero la mkuŵa lo lenga paurongo pa Ambuya wangulituzgapo pa maso pa nyumba, pa malo gha pakati pa jochero lake ndi nyumba ya Ambuya, ndipo wanguliŵika kurchiri ku nkhonde kwa jochero lake.

1 Mikoka 6:49

Kwani Aroni ndi ŵana ŵake ndiwo ŵangutemeke mipasku yapa guŵa lakochiyapo sembe ndi pa guŵa la vyakusunkhizga ndi nchitu yose ya mu malo ghakupaturika ukongwa, ndi kuchitiya mphepeska ŵaYisraele, kwakulingana ndi vyose vyo Mosese mteŵeti wa Ambuya wangulangula.

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Chituwa 17:15

Ndipo Mosese wanguzenga jochero la chisopo ndi wangulidana zina lake Ambuya ndi mbendera yangu.

Chituwa 31:9

ndi jochero la mpasku wakocha ndi viyaŵi vyake vyose, ndi chakusambiyamo ndi pasi pake,

Chituwa 39:39

jochero la sembe la mkuŵa, ndi chereko lake la mkuŵa, ndi viyaŵi vyake vyose; chakusambiyamo ndi chiŵanja chake;

Chituwa 40:6

Mukamikanga jochero la sembe yakocha paurongo pa khomo la hema lakupaturika, hema lakuwunganamo,

Maŵerengedu 4:14

ndipo kuŵikapo vyose vyo ŵateŵete pa guŵa la sembe, ndelema zakusunkhizgiyamo, ngolowondo, mafosholo ndi mabeseni, vyose vya kuteŵete vya jochero la sembe; ndipo ŵakatandazgangapo vikopa vya mbuzi, ndi kuserezgamo nthunthumuli zake.