Chituwa 26:34 - Tonga Bible 1986

³⁴ Mukajarikanga chitengo cha lisungu pachanya pa bokosi la changanu, mu malo gho ghakupaturika kwakuruska ukongwa.

Chituwa 26:34 Referans Kwoze

Chituwa 40:20

Ndipo wanguto mya ya ukaboni ndi kuyiŵika mu bokosi, ndi wanguŵikapo vyakupingiya bokosi ndi wangumika chitengo cha lisungu pachanya pa bokosi;

Chituwa 25:21

Ndipo mukaŵikanga chitengo cha lisungu pachanya pabokosi; ndipo mukati mu bokosi mukaŵikangamo phanganu lenilo ndikakupaskaninga.

ŴaHebere 9:5

ndi pachanya pake wakerubi ŵa unkhankhu, ŵakuvimba chitengu chalisungu cho; paku vyenivyo kuti tingakambiya payijapayija sono cha.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

1 ŴaKaronga 6:16

Wanguzenga mikono machumi ghaŵi (20) kuvuli kwa nyumba ndi mathabwa gha milanji kutuwa pasi kufika ku mapasu, ndipo wanguzenga ichi mukati nge ndi malo ghatuŵa, gha mukati ukongwa, nge ndi malo ghatuŵa kwakuruska.

Ezekiele 41:4

Ndipo wangupima utali wa chipinda, mikono machumi ghaŵi (20) usani wake machumi ghaŵi (20), panthazi pa kasopi. Sono wangunena nane, Yagha ndi malo ghatuŵa ukongwa kwakuruska.