Chituwa 24:6 - Tonga Bible 1986

⁶ Ndipo Mosese wanguto chigaŵa chimoza cha ndopa ndi wanguziŵika mu zimbale, ndipo chigaŵa chinyake cha ndopa wanguwazgiya ku jochero la sembe.

Chituwa 24:6 Referans Kwoze

1 Petro 1:19

kweni ndi ndopa zakuzirwa, uli za mwanamberere wambura kalema ndi wambura banga, ndopa nazo zaku Kristu:

Chituwa 24:8

Ndipo Mosese wanguto ndopa ndi wanguwazgiya ku ŵanthu ndi wanguti, “Awonani ndopa za chipanganu cho ŵachita ndi Imwe Ambuya kwakulingana ndi mazu yagha ghose.”

ŴaHebere 9:18

Chifukwa chenichi chingana nchipanganu chakudanga cho kuti chinguserezgeka kwambura ndopa cha.

ŴaLevi 4:6

ndipo mzukuru wakabizganga munwi mu ndopa ndi kuwazgiya ndopa zinyake kankhonde ndi kaŵi paurongo pa Ambuya kunthazi kwachivwinkhu cha chipinda chakupaturika.

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

ŴaLevi 3:8

pakuŵika janja lake pa mutu wa nyama yo ndi kuyibayiya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya.

ŴaLevi 3:2

Ndipo wakaŵikanga janja lake pa mutu wa chakuperekeka chake ndi kuyibayiya pa khomo la hema lakuwunganamo, ndipo ŵana ŵaku Aroni ŵazukuru ŵakadiranga ndopa ku jochero kwakuzunguliya.

ŴaLevi 1:11

Ndipo wakayibayiyanga kuchiri ku nkhonde kwa jochero paurongo pa Ambuya, ndipo ŵana ŵaku Aroni ŵazukuru ŵakadiranga ndopa zake pa jochero kwakuzunguliya.

ŴaLevi 1:5

Ndipo wakabayanga nkhuzi yo paurongo pa Ambuya; ndipo ŵana ŵaku Aroni ŵazukuru wo, ŵakarongonga ndopa zo, ndipo ŵakawazganga kwakuzunguliya uku ndi uku pa jochero la sembe lo le pa khomo pa hema lakuwunganamo.

Chituwa 29:20

Ndipo mukabayanga bira yo, ndi mukatonga ndopa zake zinyake ndi kuziŵika pa umari wa gutu lamarghe laku Aroni ndi pa umari wa makutu ghamarghe gha ŵana ŵake ŵanthurumi, ndi vikumbu vya manja ghawo ghamarghe, ndi pa vikumbu vya marundi ghawo ghamarghe; ndipo muwochenge ndopa zakujapo kuchiri ku jochero la sembe kwakuzunguliya lo.

Chituwa 29:16

Ndipo mukabayanga bira yo, ndi kuto ndopa zake ndi kuziwazga kuchiri ku chiguŵa cha sembe kwakuzunguliya cho.

Chituwa 12:22

Toni khoroza la mani ndi mulibizge mu ndopa zo ze mu mbali; ndipo mupake pa mugoro ndi nchindamiru ziŵi zapa khomo ndi ndopa zo zemu mbali, ndipo palivi yumoza wakatuwanga pa khomo la nyumba mpaka mlenji.

Chituwa 12:7

Sono ŵakatongapo ndopa, ndi kuziŵika pa nchindamiru ziŵi za pakhomo ndi pa mugoro wazinyumba mwenimo ŵakarghiyanga.

1 ŴaKorinte 11:25

Viyo so nkhombo nayo, pavuli pa koneska, wakuti, “Nkhombo iyi ndi phanganu lifya mu ndopa zangu; chenichi chitani, penipo pose mutumwa, kwachikumbuka ine.”

ŴaHebere 8:9

kwakulingana ndi chipangano chenicho ndinguchita ndi auskeu cha mu zuŵa lo ndinguŵakole janja kwachiŵatuzga mu charu cha Egipiti, pakuti iwo ŵengavi kujaririya muchipanganu changu, ndipo ine ndingureka kuŵaphwere, atiti Ambuya.

ŴaHebere 9:19

Pakuti lati lakambikiya ndi Mosese ku khamu lose langulu lose mwa dangu, wanguto ndopa zo za matholi ndi vyaphongu pamoza ndi maji ndi thonji lakuchesama ndi husope, ndipo wangumijiya buku nalo ndi so khamu lo lose,

ŴaHebere 9:21

Ndipo kwakulingana so wangumijiya ndi ndopa zo chihema cho ndi viyaŵi vyose vyaku teŵete.

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

Yeremiya 31:32

kuti ndakukozgana cha ndi phanganu lenilo ndinguchita ndi auskeu, pa nyengo yo ndinguŵasoske janja kuŵatuzga mu charu cha Egipiti, phanganu lo ŵanguswa, chingana ndenga murumi wawo, atiti Ambuya.