Chituwa 24:3 - Tonga Bible 1986

³ Mosese wanguza ndi wanguŵakambiya ŵanthu mazu ghose gha Ambuya ndi vyeruzgu vyose; ndipo ŵanthu wose ŵangwamuka ndi mazu ghamoza, ndi ŵanguti, “Mazu ghose gho Ambuya akamba tikachitanga.”

Chituwa 24:3 Referans Kwoze

Chituwa 19:8

Ndipo ŵanthu wo ŵangwamukiya pamoza, ndi ŵanguti, “Vyose vyo Ambuya akamba tikachitanga.” Ndipo Mosese wangunene Ambuya mazu yagha gha ŵanthu.

Chituwa 24:7

Sono wanguto buku la chipanganu, ndi wanguliŵerenga mu makutu gha ŵanthu; ndipo iwo ŵanguti, “Vyose vyo Ambuya akamba tikachitanga, ndipo tikaŵanga ŵakuvwiya.”

Yoswa 24:22

Sono Yoswa wangunena nawo, “Mwe ŵakaboni paku mwaŵeni kuti mwasankha Ambuya kuŵateŵete iwo.” Ŵanthu ŵanguti, “Te ŵakaboni.”

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 11:1

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

Marangu 5:31

Kweni iwe, ume panu ndi ine, ndipo ndikuneniyenge marangu ghose, ndi vipangizgo ndi meruzgidu ghenigho ukaŵasambizganga kuti ŵaghachite mu charu cho ndiŵapska kuŵa chawo.’

Chituwa 24:2

Mosese pe ndiyo wakazanga pafupi ku Ambuya; kweni ŵanyake kuti ŵakazanga kufupi cha, ndipo ŵanthu kuti ŵakakweriyangako pamoza nayo cha.”

Yoswa 24:24

Ŵanthu ŵanguti kwaku Yoswa, “Ambuya Chiuta widu ndiyo titataliyenge ndipo tikavwiyanga mazu ghake.”

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 34:13

“Viyo atiti Ambuya, Chiuta waku Yisraele: Ndinguchita phanganu ndi auskemwe penipo ndinguŵatuzga mu charu cha Egipiti, kutuwa ku nyumba ya uŵanda, ndinguti,

Malaki 2:10

Kumbi kuti tose tendi uskefwe yumoza cha? Kumbi kuti tose tarengeka ndi Chiuta yumoza cha? Nanga chifukwa nchine tireka kugomezgana yumoza ndi munyake, ndi titananga phanganu la auskefwe?

Yoswa 24:21

Ŵanthu ŵangukamba ndi Yoswa, “Awa tikatataliyanga Ambuya.”

2 Mikoka 15:14

Ndipo ŵangurapa kwaku Chiuta, ndi mazu ghakuru, ndi chiwawa ndi zimbata ndi ŵabangwi.

2 Mikoka 15:15

Ndipo ŵaYuda ŵangusekere pa rapu, chifukwa ŵangurapa ndi mtima wawo wose, ŵangumpenja ndi khumbo lawo lose ndipo ŵangumsaniya, ndipo Chiuta wanguŵapaska chipumulo kwakuzunguliya.

Sumu 50:5

“Ndiunjikiyeni ŵamagomekezgeka ŵangu, wo ŵakupangana nane phanganu mu sembe!”

Hagayi 2:5

kwakulingana ndi phanganu lo ndingupangana namwe penipo mwatuwanga mu Egipiti. Mzimu wangu uja mwaku imwe; lekani kopa.