Chituwa 24:17 - Tonga Bible 1986

¹⁷ Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

Chituwa 24:17 Referans Kwoze

ŴaHebere 12:29

chifukwa nadi Chiuta widu ndi moto wakunyeka.

ŴaHebere 12:18

Chifukwa mulive kuzako ku phiri lo lakwaskikanga, ndi lingukole ndi moto, ndi ku munkhorwi, ndi ku mdima, ndi ku kanthenga,

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Chituwa 3:2

Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Ezekiele 1:27

Ndipo kutuwa paku cho chinguwoneka ulaka nchiwunu chake kukwere kuchanya ndinguwona ulaka nkhugadima kwa mkuŵa, nge nkhawonekero ka moto zingirizgi; ndipo kutuwa pakucho chenga ndi kawonekero ka chiwunu chake kusikiya pasi ndinguwona kawonekero ka moto, ndipo panguŵa ukweru kwakumuzunguliya.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Chituwa 19:11

ndipo ŵaŵe ŵakurongosoreka pa zuŵa la chitatu; pakuti pa zuŵa la chitatu Ambuya azamusikiya pa phiri Sinai pa maso gha ŵanthu wose.

2 Samuele 22:9

Usi ungukwera kutuwa mu mphunu zake, ndipo moto waku pirizga kutuwa mu mlomo wake; maka ghamoto nagho ghangukore kutuwa mwake.

2 Samuele 22:13

Mukuŵala kwa paurongo pawo, maka ghamoto ghangukole.