Chituwa 24:16 - Tonga Bible 1986

¹⁶ Unkhankhu wa Ambuya unguma pa phiri Sinai, ndipo mtambo ungulivimba mazuŵa ghankhonde ndi limoza; ndipo pa zuŵa la chinkhonde ndi chiŵi wangudanilizga kwaku Mosese kutuliya mu mtambo.

Chituwa 24:16 Referans Kwoze

Chituwa 16:10

Ndipo penipo Aroni warongoronga ku mpingu wose wa ŵaYisraele wangulereska ku bizwa, ndipo wanguwona unkhankhu wa Ambuya unguwoneka mu mtambo.

Maŵerengedu 16:42

Ndipo penipo mpingu unguwungana kumikana ndi Mosese ndi Aroni, iwo ŵangulereska ku hema lakuwunganamo; ŵanguwona mtambo ungulivunikiriya, ndipo unkhankhu wa Ambuya unguwoneka.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Sumu 99:7

Angurongoro nawo mu mzati wa mtambo; ŵangusunga visimisimi ndi marangu gho anguŵapaska.

Maŵerengedu 14:10

Kweni mzinda wose watinge tiŵadine ndi mya. Sono unkhankhu wa Ambuya unguwomeka pa hema lakuwunganamo ku ŵaYisraele wose.

ŴaLevi 9:23

Ndipo Mosese ndi Aroni ŵangusere mu hema lakuwunganamo; ndipo ŵanguti ŵatuwa ŵangutumbika ŵanthu, ndipo unkhankhu wa Ambuya unguwoneka ku ŵanthu wose.

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Chituwa 24:17

Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

Chituwa 20:10

Kweni zuŵa la chinkhonde ndi chiŵi ndi sabata ku Ambuya Chiuta wako; mwaku lo kuti uchitiyengemo mlimu we wose cha; iwe pamwenga mwana wako munthurumi, pamwenga mwana wako munthukazi, pamwenga wanchitu wako munthurumi, pamwenga wachitu wako munthukazi, pamwenga ng'ombe yako, pamwenga mlendo wakuja ndi iwe;

Chituwa 19:11

ndipo ŵaŵe ŵakurongosoreka pa zuŵa la chitatu; pakuti pa zuŵa la chitatu Ambuya azamusikiya pa phiri Sinai pa maso gha ŵanthu wose.

Chituwa 19:9

Ndipo Ambuya anguti kwaku Mosese, “Awona, Ine ndituza kwako mu mtambo wakututumuka, alinga kuti ŵanthu ŵajivwiye ndichikamba nawe, ndi alinga kuti ŵavwane nawe muyaya.” Viyo Mosese wangunene Ambuya mazu gha ŵanthu wo

ŴaLevi 9:6

Mosese wanguti, “Ichi ndicho Ambuya angumulanguliyani kuti muchichite, ndipo unkhankhu wa Ambuya ukamuwonekiyaninga.”

Yesaya 4:5

Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.