Chituwa 24:12 - Tonga Bible 1986

¹² Ambuya anguti kwaku Mosese, “Kwere kuno kwangu pa phiri ndipo ukarindizge penipa, ndipo ndikakupaskanga magome gha mwa ndi dangu ndi langulu vyo ndakurembe kuŵarunguchizga.”

Chituwa 24:12 Referans Kwoze

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

2 ŴaKorinte 3:7

Kweni asani uteŵeti wo wa nyifwa, wakusemeka ndi kulembeka mu mya, unguŵa ndi unkhankhu, viyo kuti ŵana ŵaku Yisraele ŵengavi kuziŵa kulereska pa chisku chaku Mosese chifukwa cha unkhankhu wa chisku chake, unkhankhu wo wenga wakuchujuka;

Marangu 4:14

Ndipo Ambuya angundinene nyengo yiya kumsambizgani visambizgu kuti muvichitenge mu charu cho mulowokiyamo kwachironda kuŵa chinu.

Chituwa 24:18

Ndipo Mosese wangusere mu mtambo ndi wangukwere pa phiri. Ndipo Mosese wenga pa phiri mazuŵa machumi ghanayi (40) ndi mausiku machumi ghanayi (40).

Chituwa 24:15

Sono Mosese wangukwere pa phiri ndipo mtambo unguvimba phiri lo.

Chituwa 24:2

Mosese pe ndiyo wakazanga pafupi ku Ambuya; kweni ŵanyake kuti ŵakazanga kufupi cha, ndipo ŵanthu kuti ŵakakweriyangako pamoza nayo cha.”

Mateyu 5:19

Viyo yose yo wangaswa kamoza ka marangu yagha ghamanako, ndipo wangasambizga ŵanthu viyo, wadanikenge mumanako ukongwa mu Ufumu wa kuchanya: kweni yose yo wangachita ndi wangasambizga gho, mweniyo wadanikenge mura mu Ufumu wa kuchanya.

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

Chituwa 34:1

Ambuya anguti kwaku Mosese, “Useme vipapati viŵi vya mya vyakuyana ndi vyakudanga viya; ndipo ndikalembangapo pa vipapati mazu gho ghenga pa vipapati viya unguswa.

Marangu 5:31

Kweni iwe, ume panu ndi ine, ndipo ndikuneniyenge marangu ghose, ndi vipangizgo ndi meruzgidu ghenigho ukaŵasambizganga kuti ŵaghachite mu charu cho ndiŵapska kuŵa chawo.’

1 ŴaKaronga 19:11

Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

Chituwa 19:3

Ndipo Mosese wangukwere kwaku Chiuta, ndipo Ambuya angumudana mu phiri, anguti, “Viyo ndimo wamukambiya ku nyumba yaku Yakobe ndi ukaŵanene ŵaYisraele:

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Nehemiya 9:14

ndipo munguŵaziŵiska sabata linu lakupaturika ndi munguŵalamuliya malamulu ndi vyeruzgu ndi dangu mu mteŵeti winu Mosese.

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.