Chituwa 24:11 - Tonga Bible 1986

¹¹ Ndipo kuti wanguŵika janja lake pa mikoku ya ŵaYisraele cha; ŵanguwona Chiuta, ndipo ŵangurgha ndi ŵangumwa.

Chituwa 24:11 Referans Kwoze

Chituwa 18:12

Ndipo Yetero msibweni waku Mosese, wangupereka chisopo chakocha ndi vyakubaya kwaku Chiuta, ndipo Aroni wanguza pamoza ndi ŵaraŵara ŵa ŵaYisraele kurgha chiŵandi pamoza ndi msibweni waku Mosese paurongo paku Chiuta.

Chituwa 19:21

Ndipo Ambuya anguti kwaku mosese, “Sika, ukaŵachenjezge ŵanthu, vinu ŵangaporote ku Ambuya kwachilingizga, ndipo ŵanandi ŵaku wo ŵangafwa.

Chiyambo 31:54

ndipo Yakobe wangupereka mpasku pa phiri lo ndi wangudana ŵabali ŵake kurgha chiŵande; ndipo ŵangurgha chiŵande ndipo ŵangucherezga usiku wose pa phiri lo.

Chiyambo 16:13

Viyo wangudana zina la Ambuya wo angurongoro nayo, “Ndimwe Chiuta wakuwona”; pakuti wanguti, “Kumbi ndamuwonadi Chiuta ndipo ndajaliriya wamoyo pavuli pakumuwona?”

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Nehemiya 2:16

Ndipo ŵamazaza ŵengavi kuziŵa ko ndinguya ndi cho ndachitanga, ndipo ndenga ndindaŵanene ŵaYuda, ŵazukuru, ŵakuzirwa ŵamazaza ndi wose yo ŵenga ŵakuchita mlimu.

2 Mikoka 23:20

Ndipo wanguto ŵachirongozgi ŵa nkhondo, ndi ŵathenthe, ndi ŵamirizi ŵa ŵanthu, ndi wose ŵamu charu, ŵanguza nayo fumu kutuwa ku nyumba yaku Chiuta; ŵanguporota likomo lakunena kusere mu nyumba ya karonga. Ndipo ŵangujarika karonga pa chitengo cha ufumu.

1 ŴaKaronga 21:8

Viyo Yezebelu wangulemba ŵakalata mu zina laku Ahabu, wangudidimizgapo chizighiriyu chake, ndipo wangutuma ŵakalata wo ku ŵaraŵara ndi ŵanangwa wo ŵajanga ndi Naboti mu msumba wake.

Ŵeruzgi 13:22

Ndipo Manowa wangunena ndi muwoli wake, “Kwakuneneska tikafwanga pakuti tawona Chiuta.”

Ŵeruzgi 5:13

Sono ŵangusika ŵakujapo ŵa ŵakuzirwa; ŵanthu ŵa Ambuya ŵanguchoma chifukwa chake kwachimikana ndi ŵakulimba.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 4:33

Kwaŵavi kose ŵanthu wo ŵavwa mazu ghaku Chiuta wakukamba mukati mu moto, nge mdimo imwe mwavwiya, ndipo ŵeche ŵamoyo?

Maŵerengedu 21:18

Chisima cho ŵangukumba ŵana ŵa mafumu, cho ŵanguchinozga ŵakuvwika ŵa ŵanthu, ndi ndodo ya chifumu pamoza ndi ndodo zawo.” Ndipo kutuwa ku bozwa ŵanguruta ku Matana,

Chituwa 24:1

Ndipo wanguti kwaku Mosese, “Kwere kuno ku Ambuya, iwe ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ndi musope katatu.

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Danyele 10:17

Ndingaziŵa uli ine mteŵeti winu Mbuya kukamba ndi Imwe Mbuya wangu? Chifukwa sono nthazi zose zamara ndi mvuchi nawo wamara.”

Sumu 139:5

Imwe mwandizingirizga kosekose; mutindivikiriya ndi janja linu.