Chituwa 24:10 - Tonga Bible 1986

¹⁰ ndipo ŵanguwona Chiuta wa ŵaYisraele, ndipo pasi pa marwayo ghake penga uli nkhanthowa ka mya yasangarawe, kukozgana ndi kuchanya iko kungweruka.

Chituwa 24:10 Referans Kwoze

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Ezekiele 10:1

Ndingulereska, ndipo ehe, pa mtambo uwa wenga pachanya pa mitu ya makerubi panguwoneka pachanya pawo chakukozgana ulaka ndi mwa wa satire, mu kaŵiro ka chitengo cha ufumu.

Chivumbuzi 4:3

Ndipo yo wangujapo mu kawonekedu wangukozgana ndi mwa wa jasperendi karneliyani: ndipo kuzingiriya chitengu-chaufumu cho penga chiŵingavuwa, chakukozgana ndi mwa wa emeraldo.

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

Chituwa 33:23

pavuli ndikatuzgangako janja langu, ndipo ukawonanga musana wangu; kweni chisku changu kuti chikawonekanga cha.”

Chituwa 33:20

Kweni,” kuti, “ungawona chisku changu cha; pakuti munthu kuti wangawona ine cha ndi kuja wamoyo.”

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Chivumbuzi 21:11

wakuŵa ndi unkhankhu waku Chiuta: limbuni lake lenga lakukozgana ndi mwa wakuzirwa kwakuruska, ulaka ndi mwa wa jaspere, wakulangaliya.

1 Yohane 4:12

Kosekose kulive yumoza wawona Chiuta: asani titanjana, Chiuta waja mwaku ifwe, ndipo chanju chake chafiskika mwidu.

Yohane 14:9

Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Yohane 6:46

Kuti yumoza wamwona Dada cha, kweni yo ngwakutuwa ku Dada, ndiyo wamwona Dada.

Sumu ya Zisumu 6:10

“Ndiyani uyu yo wawoneka kutuwa ulaka nge ndi matandakucha, wakutowa nge ndi mwezi, wakuŵala nge ndi lumwi, wakofya nge ndi liŵanja la nkhondo ndi ndembera?”

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Chituwa 24:11

Ndipo kuti wanguŵika janja lake pa mikoku ya ŵaYisraele cha; ŵanguwona Chiuta, ndipo ŵangurgha ndi ŵangumwa.

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Sumu ya Zisumu 5:14

Manja ghake ghazingirizgika ndi golide, wakumatikamo vyakugadima. Liŵava lake lenge ndi munyanga wa njovu, wakuzgangika ndi mya ya satire.

Chitenje 4:7

Mafumu ghawo ghangutowa kwakuruska nyankhuŵinda, ghatuŵa kwakuruska mukaka; maluŵavu ghawo ghangufyuŵara kwakuruska kabo, kunozga kwakawonekedu kawo kwenga uli ndi mwa wakuzirwa.

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Danyele 10:17

Ndingaziŵa uli ine mteŵeti winu Mbuya kukamba ndi Imwe Mbuya wangu? Chifukwa sono nthazi zose zamara ndi mvuchi nawo wamara.”

Chiyambo 32:31

Lumwi lingutuliya pa liŵavu lake wachidumuwa pa Penuele, waganthiyanga chifukwa cha chigha chake.

2 Mikoka 6:17

Viyo sono Ambuya, Chiuta waku Yisraele, mazu ghinu ghakhozgeke gho mungukamba ku mteŵeti winu Davidi.